గేమ్ చేంజర్ పై అదిరిపోయే అప్డేట్... శంకర్ ఫ్యాన్స్ కి పండగే .!
ఇండియాలోని గొప్ప దర్శకుల్లో శంకర్ కూడా ఒకరు. సినిమాలు చాలామంది తీస్తుంటారు కానీ ఆ సినిమా చూసినప్పుడు దానిపై దర్శకుడు కి ఎంత ప్రేమ ఉందో సన్నివేశాలు చూసి చెప్పొచ్చు. అలా సినిమాను ఎంతో ప్రేమించే దర్శకుల్లో శంకర్ ముందు వరసలో ఉంటారు. ఆయన దర్శకత్వంలో వచ్చిన భారతీయుడు సినిమా రికార్డులు క్రియేట్ చేసింది. ఇప్పటికీ ఈ సినిమా వస్తే మిస్ కాకుండా చూసే అభిమానులు ఉన్నారు. రీసెంట్ గా ఇండియన్ 2 సినిమాతో ప్రేక్షకుల ముందుకు రాగా ఈ సినిమా కూడా హిట్ టాక్ ను సొంతం చేసుకుంది.
ఇక ప్రస్తుతం శంకర్ మెగా పవర్ స్టార్ రామ్ చరణ్ హీరోగా గేమ్ సినిమాను తెరకెక్కిస్తున్న సంగతి తెలిసిందే. ఈ సినిమా భారీ బడ్జెట్ తో నిర్మిస్తున్నారు. దిల్ రాజు ఈ సినిమాకు నిర్మాతగా వ్యవహరిస్తున్నారు. సినిమాలో రామ్ చరణ్ కు జంటగా కైరా అద్వానీ హీరోయిన్ గా నటిస్తోంది. భారీ బడ్జెట్ తో తెరకెక్కిస్తున్న ఈ సినిమా నుండి ఇప్పటికే రెండు సింగిల్స్ విడుదల చేయగా మంచి రెస్పాన్స్ వచ్చింది. తాజాగా మూడో సింగిల్ పై చిత్ర యూనిట్ అప్డేట్ ఇచ్చింది. నాన హైరానా... అంటూ సాగే పాటను రేపు విడుదల చేస్తున్నట్టు ప్రకటించింది. ఈ సందర్భంగా ఓ పోస్టర్ విడుదల చేయగా ప్రేక్షకులను ఎంతగానో ఆకట్టుకుంటుంది.
పోస్టర్ చాలా కలర్ ఫుల్ గా కనిపించడంతో ఈ పాటలో కూడా శంకర్ మార్క్ కనిపిస్తుందని నెటిజన్లు అనుకుంటున్నారు. ఈ చిత్రానికి తమన్ స్వరాలు సమకూర్చగా, నానా హైరానా పాటకు రామ జోగయ్య శాస్త్రి లిరిక్స్ అందించారు. ఎన్నో అంచనాలతో విడుదలవబోతున్న ఈ పాట ప్రేక్షకులను ఏ మేరకు ఆకట్టుకుంటుందో చూడాలి. ఇక భారీ బడ్జెట్ తో తెర్కెక్కిస్తున్న ఈ సినిమా జనవరి 10వ తేదీన ప్రేక్షకుల ముందుకు రానుంది. మరోవైపు తెలుగు హీరోతో శంకర్ సినిమా చేస్తుండడంతో ప్రేక్షకులు ఎంతగానో ఎదురుచూస్తున్నారు. ఈ సినిమాలో రామ్ చరణ్ డ్యూయల్ రోల్ పోషిస్తున్నట్టు కూడా ప్రచారం జరుగుతోంది.