హిందీలో "పుష్ప"కి ఏమైంది.. కోటి రూపాయలు కూడా రాబట్టలేదే..?
ఐకాన్ స్టార్ అల్లు అర్జున్ ఆఖరుగా పుష్ప పార్ట్ 1 అనే సినిమాలో హీరోగా నటించిన విషయం మన అందరికీ తెలిసిందే. ఈ మూవీ లో నేషనల్ రష్మిక మందన హీరోయిన్గా నటించగా ... సుకుమార్ ఈ సినిమాకు దర్శకత్వం వహించాడు. 2021 వ సంవత్సరం డిసెంబర్ నెలలో విడుదల అయిన ఈ సినిమా మంచి విజయాన్ని అందుకుంది. ఈ సినిమా తెలుగు , తమిళ్ , కన్నడ , మలయాళ , హిందీ భాషలలో విడుదల అయింది. ఇకపోతే ఈ సినిమాకు హిందీ ప్రేక్షకుల నుండి అద్భుతమైన రెస్పాన్స్ లభించింది. ఇది ఇలా ఉంటే ఈ మధ్య కాలంలో సినిమాల రీ రిలీజ్ ట్రెండ్ భారీగా పెరిగిన విషయం మన అందరికీ తెలిసిందే.
అందులో భాగంగా నవంబర్ 22 వ తేదీన పుష్ప పార్ట్ 1 మూవీ ని హిందీ లో రీ రిలీజ్ చేశారు. ఈ మూవీ కి రీ రిలీస్ లో బాగంగా హిందీ ప్రేక్షకుల నుండి పెద్ద స్థాయిలో ఆదరణ దక్కలేదు. రీ రిలీజ్ అయిన వారం రోజుల్లో ఈ సినిమా హిందీ వర్షన్ కి కేవలం 70 లక్షల కలెక్షన్లను మాత్రమే వసూలు చేసింది. నవంబర్ 22 వ తేదీనే షారుక్ ఖాన్ సల్మాన్ ఖాన్ ప్రధాన పాత్రలో రూపొందిన కరణ్ అర్జున్ సినిమాను కూడా రీ రిలీజ్ చేశారు. ఈ మూవీ వారం రోజుల్లో కోటి రూపాయల కలెక్షన్లను వసూలు చేసింది. ఇకపోతే షారుక్ ఖాన్ హీరోగా రూపొందిన కల్ హో నా హొ సినిమాను నవంబర్ 15 వ తేదీన రీ రిలీజ్ చేశారు.
ఇక ఈ సినిమా పది రోజుల్లోనే 3.70 కోట్ల కలెక్షన్లను వసూలు చేసింది. ఇలా ఈ మూడు సినిమాల్లో పుష్ప పార్ట్ 1 మూవీ కలెక్షన్ల విషయంలో కాస్త వెనుకబడిపోయింది. ఇకపోతే పుష్ప పార్ట్ 1 మూవీ కి కొనసాగింపుగా రూపొందిన పార్ట్ 2 మూవీ డిసెంబర్ 5 వ తేదీన విడుదల కానుంది. ఈ మూవీ పై హిందీ ప్రేక్షకుల్లో భారీ అంచనాలు ఉన్నాయి. మరి ఈ సినిమా హిందీ ఏరియాలో ఏ స్థాయి కలెక్షన్లను రాబడుతుందో చూడాలి.