రజినీకాంత్ : ఒక్క హిట్.. వరుస పెట్టి అలాంటి రిజల్ట్స్..?
సూపర్ స్టార్ రజినీ కాంత్ పోయిన సంవత్సరం జైలర్ అనే సినిమాతో ప్రేక్షకుల ముందుకు వచ్చాడు. ఈ సినిమాకు నెల్సన్ దిలీప్ కుమార్ దర్శకత్వం వహించగా ... రమ్యకృష్ణ ఈ మూవీ లో రజనీ కాంత్ భార్య పాత్రలో నటించింది. తమన్నా , సునీల్ ఈ మూవీ లో ముఖ్య పాత్రలలో నటించారు. అనిరుద్ రవిచంద్రన్ ఈ సినిమాకు సంగీతం అందించాడు. మంచి అంచనాల నడుమ విడుదల అయిన ఈ సినిమా బాక్స్ ఆఫీస్ దగ్గర బ్లాక్ బాస్టర్ విజయాన్ని సొంతం చేసుకుంది. ఇక జైలర్ అనే టైటిల్ తోనే ఈ మూవీ ని తెలుగు లో కూడా విడుదల చేయగా ఈ మూవీ టాలీవుడ్ బాక్సా ఫీస్ దగ్గర కూడా సూపర్ సక్సెస్ అయ్యింది.
ఇక జైలర్ లాంటి బ్లాక్బస్టర్ సినిమా తర్వాత రజనీ కాంత్ లాల్ సలామ్ అనే సినిమాలో కీలకమైన పాత్రలో నటించాడు. ఈ మూవీ బాక్స్ ఆఫీస్ దగ్గర భారీ డిజాస్టర్ ను ఎదుర్కొంది. ఇకపోతే తాజాగా రజనీ కాంత్ వెట్టయన్ అనే సినిమాలో హీరోగా నటించాడు. మంజు వారియర్ ఈ సినిమాలో రజనీ కాంత్ కి భార్య పాత్రలో నటించగా ... ఈ సినిమాకు టి జే జ్ఞానవెల్ దర్శకత్వం వహించాడు. ఇకపోతే ఈ సినిమాకు రెండు తెలుగు రాష్ట్రాల్లో పెద్ద ఎత్తున నష్టాలు వచ్చినట్లు తెలుస్తోంది. టోటల్ బాక్స్ ఆఫీస్ రన్ ముగిసే సరికి రెండు తెలుగు రాష్ట్రాల్లో కలిపి ఈ మూవీ కి 10.96 కోట్ల షేర్ ... 21.20 కోట్ల గ్రాస్ కలెక్షన్లు దక్కినట్లు తెలుస్తోంది. ఇకపోతే ఈ సినిమాకు రెండు తెలుగు రాష్ట్రాల్లో కలిపి 17 కోట్ల ఫ్రీ రిలీజ్ బిజినెస్ జరగగా ... ఈ మూవీ 18 కోట్ల టార్గెట్ తో బాక్సా ఫీస్ బరిలోకి దిగింది.