2024లో.. అత్యధిక లాభాలు చూసిన తెలుగు సినిమా ఏదో తెలుసా?
2024లో భారతదేశ బాక్సాఫీస్ వద్ద రెండు తెలుగు సినిమాలు ఎక్కువగా సందడి చేశాయి. ఒకటి భారీ అంచనాలతో వచ్చిన 'పుష్ప 2', మరొకటి తక్కువ అంచనాలతో వచ్చి సంచలనం సృష్టించిన 'హనుమాన్'. 'పుష్ప 2' విడుదలైన 15 రోజుల్లోనే ప్రపంచవ్యాప్తంగా రూ.1,508 కోట్ల వసూళ్లతో రికార్డులు సృష్టించింది. అల్లు అర్జున్ స్టార్‌డమ్, సుకుమార్ దర్శకత్వం, మైత్రీ మూవీ మేకర్స్ నిర్మాణ విలువలు వెరసి సినిమాకు భారీ ఓపెనింగ్స్ తెచ్చిపెట్టాయి. కానీ, అసలు ట్విస్ట్ ఇక్కడే ఉంది!
రూ.500 కోట్ల భారీ బడ్జెట్‌తో తెరకెక్కిన 'పుష్ప 2' వసూళ్ల పరంగా దుమ్ము రేపినా, లాభాల పరంగా వెనుకబడింది. ఎందుకంటే, భారీ వసూళ్లలో ఎక్కువ భాగం నిర్మాణ వ్యయానికే పోయింది. దీంతో 201.6% లాభం వచ్చినా, అది చూడటానికి మాత్రమే ఎక్కువ. మరోవైపు, కేవలం రూ.40 కోట్ల బడ్జెట్‌తో తెరకెక్కిన 'హనుమాన్' ప్రపంచవ్యాప్తంగా రూ.290 కోట్లకు పైగా వసూలు చేసి అందరినీ ఆశ్చర్యపరిచింది. తక్కువ బడ్జెట్, మంచి కంటెంట్ ఉండటంతో ఏకంగా 625% లాభాలను ఆర్జించింది. అంటే, తక్కువ పెట్టుబడితో ఎక్కువ లాభాలు అన్నమాట. కాబట్టి, కేవలం వసూళ్లు మాత్రమే కాదు, పెట్టిన పెట్టుబడి ఎంత? అనే దానిపైనే సినిమా లాభాలు ఆధారపడి ఉంటాయి అని ఈ రెండు సినిమాలు నిరూపించాయి. ఈ లెక్కన చూస్తే, వసూళ్ల పరంగా 'పుష్ప 2' టాప్ అయినా, లాభాల పరంగా 'హనుమాన్' విన్నర్ అని చెప్పొచ్చు.
కోట్ల రూపాయల బడ్జెట్‌తో స్టార్ హీరోలు నటిస్తేనే హిట్ అవుతాయనే రోజులు పోయాయని కూడా నిస్సందేహంగా చెప్పుకోవచ్చు. ఈ విషయాన్ని 'హనుమాన్' సినిమా ఘన విజయం రుజువు చేసింది. దర్శకుడు ప్రశాంత్ వర్మ కేవలం రూ.40 కోట్ల బడ్జెట్‌తో అద్భుతమైన విజువల్ ఎఫెక్ట్స్‌తో సూపర్ హీరో కథను తెరకెక్కించి బాక్సాఫీస్‌ను షేక్ చేశాడు. తక్కువ ఖర్చుతోనే క్వాలిటీ సినిమా తీయొచ్చని, కంటెంట్ ఉంటే చాలు ప్రేక్షకులు బ్రహ్మరథం పడతారని నిరూపించాడు. హనుమాన్ సినిమా ఇండస్ట్రీలో లాభాల పరంగా కొత్త రికార్డులు క్రియేట్ చేసింది. క్రియేటివిటీ, కంటెంట్ ఉంటే తక్కువ బడ్జెట్‌లోనూ భారీ విజయాలు సాధించవచ్చని హనుమాన్ సినిమా ప్రూవ్ చేసింది. అందుకే, ఈసారి బాక్సాఫీస్ దగ్గర చిన్న సినిమానే పెద్ద సంచలనం సృష్టించింది.
రూ.500 కోట్ల భారీ బడ్జెట్‌తో తెరకెక్కిన 'పుష్ప 2' వసూళ్ల పరంగా దుమ్ము రేపినా, లాభాల పరంగా వెనుకబడింది. ఎందుకంటే, భారీ వసూళ్లలో ఎక్కువ భాగం నిర్మాణ వ్యయానికే పోయింది. దీంతో 201.6% లాభం వచ్చినా, అది చూడటానికి మాత్రమే ఎక్కువ. మరోవైపు, కేవలం రూ.40 కోట్ల బడ్జెట్‌తో తెరకెక్కిన 'హనుమాన్' ప్రపంచవ్యాప్తంగా రూ.290 కోట్లకు పైగా వసూలు చేసి అందరినీ ఆశ్చర్యపరిచింది. తక్కువ బడ్జెట్, మంచి కంటెంట్ ఉండటంతో ఏకంగా 625% లాభాలను ఆర్జించింది. అంటే, తక్కువ పెట్టుబడితో ఎక్కువ లాభాలు అన్నమాట. కాబట్టి, కేవలం వసూళ్లు మాత్రమే కాదు, పెట్టిన పెట్టుబడి ఎంత? అనే దానిపైనే సినిమా లాభాలు ఆధారపడి ఉంటాయి అని ఈ రెండు సినిమాలు నిరూపించాయి. ఈ లెక్కన చూస్తే, వసూళ్ల పరంగా 'పుష్ప 2' టాప్ అయినా, లాభాల పరంగా 'హనుమాన్' విన్నర్ అని చెప్పొచ్చు.
కోట్ల రూపాయల బడ్జెట్‌తో స్టార్ హీరోలు నటిస్తేనే హిట్ అవుతాయనే రోజులు పోయాయని కూడా నిస్సందేహంగా చెప్పుకోవచ్చు. ఈ విషయాన్ని 'హనుమాన్' సినిమా ఘన విజయం రుజువు చేసింది. దర్శకుడు ప్రశాంత్ వర్మ కేవలం రూ.40 కోట్ల బడ్జెట్‌తో అద్భుతమైన విజువల్ ఎఫెక్ట్స్‌తో సూపర్ హీరో కథను తెరకెక్కించి బాక్సాఫీస్‌ను షేక్ చేశాడు. తక్కువ ఖర్చుతోనే క్వాలిటీ సినిమా తీయొచ్చని, కంటెంట్ ఉంటే చాలు ప్రేక్షకులు బ్రహ్మరథం పడతారని నిరూపించాడు. హనుమాన్ సినిమా ఇండస్ట్రీలో లాభాల పరంగా కొత్త రికార్డులు క్రియేట్ చేసింది. క్రియేటివిటీ, కంటెంట్ ఉంటే తక్కువ బడ్జెట్‌లోనూ భారీ విజయాలు సాధించవచ్చని హనుమాన్ సినిమా ప్రూవ్ చేసింది. అందుకే, ఈసారి బాక్సాఫీస్ దగ్గర చిన్న సినిమానే పెద్ద సంచలనం సృష్టించింది.