రెండుసార్లు సూసైడ్ అటెంప్ట్ చేసానంటూ ఎమోషనలైనా యూట్యూబ్ స్టార్.!
యంగ్ హీరో షణ్ముఖ్ జస్వంత్ గురించి ప్రత్యేకంగా చెప్పాల్సిన పనిలేదు. ఈయన కెరీర్ స్టార్టింగ్‌లో షార్ట్ ఫిలిమ్స్, సిరీస్‌లతో మంచి గుర్తింపు సంపాదించుకున్నాడు.అయితే 'సాఫ్ట్‌వేర్ డెవలపర్' అనే షార్ట్ ఫిల్మ్‌తో మాత్రం ఏకంగా స్టార్ యూట్యూబర్‌గా ఎదిగాడు.బిగ్ బాస్ కి వెళ్లి మరింత పాపులారిటీ తెచ్చుకున్నాడు.కానీ ఆ తర్వాత దీప్తి సునయనతో తన బ్రేకప్, ఓ యాక్సిడెంట్ కేసు, గంజాయి తాగాడని ఆరోపణలు, వాళ్ళ అన్నయ్యకు సంబంధించి.. ఇలా వివాదాల్లో నిలిచాడు. వాటన్నిటి తర్వాత చాలా గ్యాప్ తీసుకొని ఇటీవలే లీలా వినోదం అనే ఓటీటీ సినిమాతో ప్రేక్షకుల ముందుకు వచ్చాడు.ఈ సినిమా ప్రమోషన్స్ లో భాగంగా జరిగిన ఓ ఈవెంట్లో తన లైఫ్ జరిగిన సంఘటనలను తలుచుకొని స్టేజిపైనే ఏడ్చేసిన సంగతి తెలిసిందే. అయితే ప్రమోషన్స్ లో భాగంగా ఇచ్చిన ఓ ఇంటర్వ్యూలో సూసైడ్ అటెంప్ట్స్ చేశాను అంటూ తన లైఫ్ లోని బాధలను గుర్తుచేసుకున్నాడు.షన్ను మాట్లాడుతూ.. కాలేజీ చదువు కోసం ఎక్కడో దూరంగా బెంగుళూరులో అమృత యూనివర్సిటీలో వేశారు. కానీ నాకు యాక్టింగ్ మీద పిచ్చి. దాంతో మా నాన్నకు నా లెఫ్ట్ బ్రెయిన్ కొంచెం హెవీ అయింది నేను చదవలేకపోతున్నాను, నాకు స్కాన్ చేయించండి, హాస్పిటల్ దగ్గరకు తీసుకెళ్లండి అని అడిగాను. దాంతో అప్పుడు హాస్పిటల్ కి తీసుకెళ్లారు.
డాక్టర్స్ ని రిక్వెస్ట్ చేశాను నాకు యాక్టింగ్ అంటే ఇష్టం ఉంది అందుకే ఇలా చెప్పాను మా ఇంట్లో వాళ్లకు చెప్పండి అంటే అప్పుడు డాక్టర్స్ తనకి చాలా ప్రెజర్ ఉంది తనను ఇంటికి తీసుకెళ్లిపొండి అని చెప్పారు. అప్పుడు మళ్ళీ వైజాగ్ తీసుకొచ్చారు. అదే సమయంలో ఫస్ట్ లవ్ బ్రేకప్ అవ్వడం, యాక్టింగ్ ఛాన్సులు రాకపోవడంతో కొంచెం డిప్రెస్ ఫీల్ అయి సూసైడ్ అటెంప్ట్ చేశాను అని తెలిపాడు.ఇక ఫేమ్ వచ్చాక తాను ఎదుర్కున్న పరిస్థితులను గుర్తుచేసుకుంటూ.. నేను ఏం చేసానో, మీరు ఏం విన్నారో అదేమీ నిజం కాదు. అయింది ఒక కథ అయితే చూపించింది ఇంకో కథ. నేను తప్పు చేయలేదు అని చెప్పట్లేదు కానీ నేను ఒక్కడినే తప్పు చేశాను అన్నట్టు చూపించారు. అన్ని ఒకదాని తర్వాత ఒకటి రావడంతో, నా చుట్టూ ఉన్న నా వాళ్లే నన్ను వదిలేయడంతో నేను డిప్రెషన్ లో ఉన్నాను. అప్పుడు చెయ్యి కోసుకొని సూసైడ్ అటెంప్ట్ చేశాను. నా ఫ్యామిలీ చాలా ఎఫెక్ట్ అయ్యారు. నేను హనుమాన్ మీద ఒట్టేసాను నా ఫ్యామిలీని పైకి తీసుకొచ్చేది నేనే అని చెప్పాడు. దీంతో షన్ను కామెంట్స్ వైరల్ గా మారాయి. అలాంటి నెగిటివిటీలన్నీ దాటుకొని ఇప్పుడు సినిమాతో వచ్చాడు. త్వరలో హీరోగా 70mm సినిమా కూడా చేయబోతున్నాడు షన్ను.