రెండు బ్లాక్బస్టర్స్.. అయినా పత్త లేని డైరెక్టర్..?
సినిమా ఇండస్ట్రీ లో హిట్లు ఉన్న డైరెక్టర్లకి వరుస పెట్టి అవకాశాలు దక్కుతూ ఉంటాయి. అదే డైరెక్టర్లకు కనుక సరైన విజయాలు లేనట్లయితే వారికి అవకాశాలు పెద్దగా రావు. ఇకపోతే తెలుగు సినిమా పరిశ్రమలో ఓ దర్శకుడు మూడు సినిమాలకు దర్శకత్వం వహిస్తే అందులో రెండు సినిమాలు అద్భుతమైన విజయాలను అందుకున్నాయి. కానీ ఆ దర్శకుడికి సినిమా అవకాశాలు మాత్రం పెద్దగా రావడం లేదు. ఆ దర్శకుడు ఎవరు ..? ఆయన తీసిన సినిమాలు ఏమిటి అనే వివరాలను తెలుసుకుందాం.
కొన్ని సంవత్సరాల క్రితం టాలీవుడ్ కింగ్ అక్కినేని నాగార్జున హీరోగా సోగ్గాడే చిన్నినాయన అనే సినిమా వచ్చిన విషయం మనకు తెలిసిందే. ఈ సినిమాకు కళ్యాణ్ కృష్ణ దర్శకత్వం వహించాడు. ఈ మూవీ తోనే ఈయన దర్శకుడిగా కెరియర్ను మొదలు పెట్టాడు. ఈ మూవీ బ్లాక్ బస్టర్ విజయం సాధించడంతో ఈ దర్శకుడికి సూపర్ సాలిడ్ క్రేజ్ తెలుగు సినీ పరిశ్రమలో వచ్చింది. ఈ మూవీ తర్వాత ఈయన మాస్ మహారాజా రవితేజ హీరోగా నేల టిక్కెట్ అనే సినిమాను రూపొందించాడు. ఈ మూవీ ప్రేక్షకులను పెద్దగా ఆకట్టుకోలేదు. ఈ మూవీ తర్వాత ఈ దర్శకుడు సోగ్గాడే చిన్నినాయన అనే సినిమాకు కొనసాగింపుగా బంగార్రాజు అనే మూవీ ని రూపొందించాడు.
మంచి అంచనాల నడుమ విడుదల అయిన ఈ సినిమా కూడా సూపర్ హిట్ విజయాన్ని అందుకుంది. ఇకపోతే ఈ సినిమా తర్వాత ఈయనకు సంబంధించిన ఏ సినిమా ప్రేక్షకుల ముందుకు రాలేదు. కొంత కాలం క్రితం చిరంజీవి హీరోగా కళ్యాణ్ కృష్ణ దర్శకత్వంలో మూవీ రాబోతున్నట్లు అధికారిక ప్రకటన కూడా వచ్చింది. కానీ ఆ తర్వాత ఈ సినిమా క్యాన్సిల్ అయింది. ఇక ఆ తర్వాత ఈయన తదుపరి మూవీ కి సంబంధించి ఎలాంటి అప్డేట్లు రావడం లేదు.