హిట్ తెలిసిన ఇమేజ్ వాళ్ల ఆ సినిమాలను వదిలేసిన చిరు.. తారక్..?
సినిమా ఇండస్ట్రీలో ఒకరితో అనుకున్న సినిమాలను మరొకరితో రూపొందించడం చాలా సర్వసాధారణంగా జరుగుతూ ఉంటుంది. ఇకపోతే హీరోలు తమ దగ్గరకు వచ్చిన కథలను రిజెక్ట్ చేయడానికి అనేక కారణాలు ఉంటాయి. కొంత మంది సినిమా కథ నచ్చక మూవీలను రిజెక్ట్ చేస్తే , కొంత మంది కథలు అద్భుతంగా నచ్చిన తమ ఈమేజ్ కి ఆ సినిమాలు సెట్ కావు అని ఉద్దేశంతో మూవీలను వదిలేసిన వారు కూడా ఉన్నారు. అలా తమ ఈమేజ్ కి ఈ కథలు సెట్ కావు అనే ఉద్దేశంతో సినిమాలను వదిలేసిన హీరోల లిస్టులో చిరంజీవి , జూనియర్ ఎన్టీఆర్ కూడా ఉన్నారు. మరి వీరిద్దరూ తమ కెరియర్లో కొన్ని సినిమాలను తమ ఈమేజ్ కారణంగా రిజక్ట్ చేయగా అవి బాక్స్ ఆఫీస్ దగ్గర మంచి విజయాలను అందుకున్న సందర్భాలు ఉన్నాయి. ఆ సినిమాలు ఏవో తెలుసుకుందాం.
కొన్ని సంవత్సరాల క్రితం అర్జున్ హీరోగా కోడి రామకృష్ణ దర్శకత్వంలో మన్యంలో మొనగాడు అనే సినిమా వచ్చింది. ఈ మూవీ మంచి విజయాన్ని అందుకుంది. ఈ సినిమా కథను కోడి రామకృష్ణ మొదటి చిరంజీవి గారికి వినిపించాడట. కథ మొత్తం విన్న చిరంజీవి స్టోరీ సూపర్ గా ఉంది కానీ ఈ కథ నా ఈమేజ్ కి అస్సలు సెట్ కాదు. ఈ మూవీ నాపై తీస్తే వర్కౌట్ కాదు. నువ్వు వేరే వారితో చెయ్యి అని చెప్పాడట. దానితో అర్జున్ తో ఈ మూవీ ని కోడి రామకృష్ణ రూపొందించగా ఈ మూవీ అద్భుతమైన విజయాన్ని అందుకుంది.
కొన్ని సంవత్సరాల క్రితం సిద్ధార్థ్ హీరోగా బొమ్మరిల్లు భాస్కర్ దర్శకత్వంలో బొమ్మరిల్లు అనే సినిమా రూపొందిన విషయం మన అందరికీ తెలిసిందే. ఈ సినిమా కథను మొదట భాస్కర్ , తారక్ కి వినిపించాడట. సినిమా కథ మొత్తం విన్న తారక్ స్టోరీ సూపర్ గా ఉంది. కానీ నా సినిమాకు వచ్చే ఆడియన్స్ మాస్ డైలాగ్స్ , యాక్షన్ సీన్స్ ఎక్స్పెక్ట్ చేస్తారు. అవి లేకుండా సినిమా చేస్తే సినిమా ఫ్లాప్ అయ్యే ఛాన్స్ ఉంది. అందుకే నేను ఈ సినిమా చేయడం కరెక్ట్ కాదు. నువ్వు వేరే వారితో ఈ కథతో సినిమా చెయ్యి అని భాస్కర్ కి సలహా ఇచ్చాడట. ఇక ఈ కథతో భాస్కర్ , సిద్ధార్థ్ తో బొమ్మరిల్లు సినిమాను రూపొందించగా ఈ మూవీ బాక్స్ ఆఫీస్ దగ్గర అద్భుతమైన విజయాన్ని అందుకుంది.