తాజాగా ప్రియదర్శి "కోర్టు" అనే సినిమాలో హీరోగా నటించిన విషయం మనకు తెలిసిందే. ఈ మూవీ ని నాచురల్ స్టార్ నాని నిర్మించాడు. ఈ మూవీ మంచి అంచనాల నడుమ మార్చి 14 వ తేదీన విడుదల అయ్యింది. ఈ మూవీ కి సంబంధించిన ప్రీమియర్ షో లను ఈ మూవీ విడుదలకు రెండు రోజుల ముందు నుండే ఈ మూవీ మేకర్స్ ప్రదర్శించడం మొదలు పెట్టారు. ఈ మూవీ కి ప్రీమియర్ షో ల ద్వారానే అద్భుతమైన టాక్ రావడంతో ఈ మూవీ కి మొదటి రోజు కూడా సూపర్ ఓపెనింగ్లు కూడా దక్కాయి. ఇప్పటి వరకు ఈ సినిమాకు సంబంధించిన మూడు రోజుల బాక్సా ఫీస్ రన్ ప్రపంచ వ్యాప్తంగా కంప్లీట్ అయింది. మరి ఈ మూడు రోజుల్లో ఈ సినిమాకు ఏ ఏరియాలో ఏ రేంజ్ కలెక్షన్లు వచ్చాయి. మొత్తంగా ఎన్ని కలెక్షన్లు వచ్చాయి. ఇప్పటి వరకు ఈ సినిమాకు ఎన్ని కోట్ల లాభాలు వచ్చాయి అనే వివరాలను తెలుసుకుందాం.
ఈ మూవీ కి మూడు రోజుల బాక్సా ఫీస్ రన్ ముగిసే సరికి నైజాం ఏరియాలో 4.65 కోట్ల కనెక్షన్లు దక్కగా , సీడెడ్ ఏరియాలో 55 లక్షలు , ఆంధ్ర ఏరియాలో 3.41 కోట్ల కలెక్షన్లు దక్కాయి. మొత్తంగా ఈ మూవీ కి మూడు రోజుల్లో రెండు తెలుగు రాష్ట్రాల్లో కలిపి 8.61 కోట్ల షేర్ ... 15.85 కోట్ల గ్రాస్ కలెక్షన్లు దక్కాయి. ఇకపోతే మూడు రోజుల్లో ఈ మూవీ కి కర్ణాటక మరియు రెస్ట్ ఆఫ్ ఇండియాలో కలుపుకొని 60 లక్షల కలెక్షన్లు దక్కగా ... ఓవర్సీస్ లో 2.80 కోట్ల కలెక్షన్లు దక్కాయి. మొత్తంగా మూడు రోజుల్లో ఈ సినిమాకు ప్రపంచ వ్యాప్తంగా 12.01 కోట్ల షేర్ ... 23.25 కోట్ల గ్రాస్ కలెక్షన్ దక్కాయి. ఈ మూవీ దాదాపు 7 కోట్ల టార్గెట్ తో బాక్సా ఫీస్ బరిలోకి దిగింది. ఇక ఇప్పటికే ఈ సినిమా 5.01 కోట్ల లాభాలను అందుకొని భారీ బ్లాక్ బాస్టర్ విజయాన్ని సొంతం చేసుకుంది.
