మన శంకర వరప్రసాద్ : చిరు.. వెంకీపై మొదటి సన్నివేశం అదే.. క్లాస్ మూవీ తో మాస్ ఆడియన్స్ కి ఫుల్ కిక్..?
మెగాస్టార్ చిరంజీవి ప్రస్తుతం అనిల్ రావిపూడి దర్శకత్వంలో రూపొందుతున్న మన శంకర వర ప్రసాద్ అనే సినిమాలో హీరో గా నటిస్తున్న విషయం మన అందరికీ తెలిసిందే. ఈ మూవీ లో నయనతార హీరోయిన్గా నటిస్తోంది. ఈ సినిమాను వచ్చే సంవత్సరం సంక్రాంతి పండుగ సందర్భంగా విడుదల చేయనున్నట్లు మేకర్స్ చాలా రోజుల క్రితమే అధికారికంగా ప్రకటించారు. ఆగస్టు 22 వ తేదీన చిరంజీవి పుట్టిన రోజు సందర్భంగా ఈ మూవీ నుండి మేకర్స్ ఒక చిన్న గ్లిమ్స్ వీడియోని విడుదల చేశారు. ఇందులో చిరంజీవి కోట్ సూటు వేసుకొని అదిరిపోయే రేంజ్ స్టైలిష్ లుక్ లో ఉన్నాడు. ఇక ఈ మూవీ గ్లిమ్స్ వీడియోకు అద్భుతమైన రెస్పాన్స్ ప్రేక్షకుల నుండి లభించింది.
ఈ సినిమాలో విక్టరీ వెంకటేష్ కూడా ఓ కీలకమైన పాత్రలో నటించబోతున్నాడు. ఇప్పటికే ఈ విషయాన్ని ఈ మూవీ దర్శకుడు అయినటువంటి అనిల్ రావిపూడి అధికారికంగానే ప్రకటించాడు. ప్రస్తుతం అందుతున్న సమాచారం ప్రకారం వెంకటేష్ ఈ మూవీ షూటింగ్ లో సెప్టెంబర్ 3 వ తేదీ నుండి జాయిన్ కాబోతున్నట్లు తెలుస్తోంది. హైదరాబాద్ లోని ఎం ఎస్ జి లో వెంకటేష్ పోర్షన్ చిత్రీకరణను సెప్టెంబర్ 3 వ తేదీ నుండి ఈ మూవీ బృందం వారు స్టార్ట్ చేయబోతున్నట్లు తెలుస్తోంది. ఇకపోతే చిరు , వెంకటేష్ ఇద్దరు కూడా ఒక హై వోల్టేజ్ యాక్షన్ సన్నివేశంలో పాల్గొనబోతున్నట్లు తెలుస్తోంది.