ఇంటింటి రామాయణం..ప్రతి హీరోయిన్ కి అదే బిగ్ ప్రాబ్లం..ఏంటి దేవుడా నీ మాయ..!
ఏ రంగమైనా సక్సెస్ అనేది సులభంగా రాదు. విజయాన్ని అందుకోవాలంటే తప్పనిసరిగా కష్టపడాల్సిందే. కష్టపడి చదివితేనే పరీక్షల్లో ఉత్తీర్ణత సాధించగలం, పరీక్షల్లో ఉత్తీర్ణత సాధిస్తేనే మనకు మంచి ఉద్యోగం వస్తుంది. మంచి ఉద్యోగం వస్తేనే మనం మనం కలలు కంటున్న లైఫ్ను సాకారం చేసుకోవచ్చు. అంటే ప్రతి విజయానికి ఒకటి తర్వాత ఒకటి లింక్ అయి ఉంటాయి. సాధారణంగా ప్రతి రంగంలోనూ కష్టపడి పనిచేస్తేనే ఫలితాలు వస్తాయి, కానీ సినిమా ఇండస్ట్రీ మాత్రం ఈ రూల్స్కు పూర్తిగా భిన్నంగా కనిపిస్తుంది.
సినిమా ఇండస్ట్రీ గురించి చాలా మందికి ఒక అభిప్రాయం ఉంటుంది – అందం ఉంటే చాలు, అవకాశాలు దొరుకుతాయి, హీరోయిన్లుగా స్థిరపడిపోవచ్చు అని. కానీ నిజానికి అది పూర్తిగా తప్పు. ఈ రంగంలో అందం, ప్రతిభ ఉన్నా కూడా నిలదొక్కుకోవడం చాలా కష్టం. కొంతమంది హీరోయిన్లు ప్రారంభంలో మంచి పేరు తెచ్చుకున్నా, కొన్ని సంవత్సరాల తర్వాత వారి కెరీర్ డౌన్ అవుతుంది. ఆ జాబితాలో స్టార్ హీరోయిన్ల పేర్లు కూడా ఉన్నాయి. ఇండస్ట్రీలో ఇలాంటి విషయాలు తరచుగా చర్చకు వస్తాయి. సోషల్ మీడియాలో ప్రజలు వీరిని ట్రోల్ చేస్తూ, "ప్రతి ఇంటికీ ఉండే రామాయణమే ఇది" అని కామెంట్స్ చేస్తూ చేస్తుంటారు.
కాజల్ అగర్వాల్: ఆమె లక్ష్మీ కళ్యాణం సినిమాతో తెలుగు సినీ రంగంలో హీరోయిన్గా ఎంట్రీ ఇచ్చింది. ఆ తర్వాత ఆమె తెలుగు, తమిళం, హిందీ చిత్రాల్లో నటించి వరుస విజయాలు సాధించింది. ఒక్క క్షణం కూడా తీరిక లేకుండా సినిమాలు చేసుకుని, స్టార్ హీరోయిన్లలో ఒకరిగా నిలిచింది. అయితే పెళ్లి తర్వాత ఆమెకు అవకాశాలు తగ్గిపోయాయి. రెండో ఇన్నింగ్స్ ప్రారంభించినా, ఇంకా సక్సెస్ అందుకోలేకపోతోంది.
సమంత: ఆమె ఇండస్ట్రీలో వన్ ఆఫ్ ది టాప్ హీరోయిన్. సోషల్ మీడియాలో కూడా ఎప్పుడూ ట్రెండ్ అవుతూ ఉండే స్టార్. అయినప్పటికీ, ఇంత పాపులర్ హీరోయిన్ కూడా ట్రోలింగ్ బాధల నుంచి తప్పించుకోలేదు. ఒకప్పుడు తన అందం, నటనతో ప్రేక్షకులను అలరించిన ఈ బ్యూటీ ఇప్పుడు సోషల్ మీడియాలో తరచుగా ట్రోలింగ్కు గురవుతోంది. ముఖ్యంగా తన మాజీ భర్త గురించి వస్తున్న కామెంట్లు ఆమెను బాగా ఇబ్బంది పెడుతున్నాయి. కొత్త సినిమా అవకాశాలు వస్తున్నా, ఆమెకు మునుపటి స్థాయి సక్సెస్ వస్తుంది అన్న నమ్మకం లేదు.
పూజా హెగ్డే: టాలీవుడ్ బుట్టబొమ్మగా పాపులారిటీ గురించి ప్రత్యేకంగా చెప్పాల్సిన అవసరం లేదు. పూజా హెగ్డే అంటే పడి చచ్చిపోయే అభిమానులు చాలామంది ఉన్నారు. అబ్బాయిల హాస్టళ్లలో ఇప్పటికీ ఆమె పోస్టర్లు దర్శనమిస్తూనే ఉంటాయి. కానీ వరుస ఫ్లాప్స్ కారణంగా ఆమె కెరీర్ ప్రస్తుతం కష్టాల్లో పడింది. ఇటీవల చేసిన సినిమాలు పెద్దగా ఆడకపోవడం వల్ల కొత్త అవకాశాలు కూడా తగ్గిపోయాయి.
మొత్తం మీద చూస్తే ప్రతి హీరోయిన్ కెరీర్లో ఒక కఠిన సమయం తప్పనిసరిగా వస్తుంది. ఒకరు పెళ్లి చేసుకుని కెరీర్ను పాజ్ చేస్తారు, మరొకరు వ్యక్తిగత సమస్యలతో కుంగిపోతారు, ఇంకొకరు తప్పు స్క్రిప్టులు ఎంచుకుని తమ కెరీర్ను డౌన్ చేసుకుంటారు. కానీ ఆ కష్టసమయంలో ఎవరు స్ట్రాంగ్గా నిలబడతారో వాళ్లే మళ్లీ ఎదుగుతారు.
ప్రస్తుతం సోషల్ మీడియాలో ప్రజలు ఈ హీరోయిన్ల జీవితాలను ఉదాహరణలుగా చూపిస్తూ, సినిమా ఇండస్ట్రీలో సక్సెస్ సాధించడం ఎంత కష్టం అనే విషయాన్ని ట్రోల్ చేస్తున్నారు. స్టార్ హీరోయిన్ల జీవితం కూడా ఎల్లప్పుడూ గ్లామర్తో నిండి ఉండదు. ఈ రంగంలో నిలబడాలంటే కేవలం అందం లేదా అదృష్టం కాకుండా, ఓర్పు, కృషి, సరైన నిర్ణయాలు, మరియు సమయాన్ని అర్థం చేసుకోవడం చాలా అవసరం అని ఇండస్ట్రీలోని వారి ప్రయాణం చెబుతోంది. హీరోయిన్స్గా ఈ రంగంలో అడుగుపెట్టాలనుకునే అమ్మాయిలకు ఈ అనుభవాలు నిజమైన పాఠాలుగా మారుతున్నాయి.