ఓజి కర్ణాటక హక్కులను దక్కించుకున్న క్రేజీ సంస్థ.. పెద్ద అడ్వాంటేజ్ కానుందా..?
పవర్ స్టార్ పవన్ కళ్యాణ్ తాజాగా హరి హర వీరమల్లు అనే సినిమాతో ప్రేక్షకుల ముందుకు వచ్చాడు. పవన్ నటించిన సినిమా చాలా కాలం తర్వాత విడుదల కావడం తో ఆయన అభిమానులు ఈ సినిమాపై భారీ స్థాయిలో అంచనాలు పెట్టుకున్నారు. కానీ ఈ మూవీ వారి అంచనాలను అందుకోలేక పోయింది. ఇక పవన్ తాజాగా ఓజి అనే సినిమాలో హీరో గా నటించిన విషయం మనకు తెలిసిందే. ఈ మూవీ పై ప్రేక్షకులు అత్యంత భారీ అచనాలు పెట్టుకున్నారు. ఈ సినిమాలో ప్రియాంక అరుల్ మోహన్ హీరోయిన్ గా నటించగా ... సుజిత్ ఈ సినిమాకు దర్శకత్వం వహించాడు. డి వీ వీ దానయ్య నిర్మించిన ఈ సినిమాకు ఎస్ ఎస్ తమన్ సంగీతం అందించగా ... ఇమ్రాన్ హష్మీ ఈ మూవీ లో విలన్ పాత్రలో నటించాడు.
అర్జున్ దాస్ ఈ మూవీ లో ఓ ముఖ్యమైన పాత్రలో కనిపించబోతున్నాడు. శ్రియ రెడ్డి ఈ సినిమాలో ఓ కీలకమైన పాత్రలో కనిపించనుంది. ఇకపోతే ఈ సినిమాను సెప్టెంబర్ 25 వ తేదీన విడుదల చేయనున్నారు. ఈ సినిమా విడుదల తేదీ దగ్గర పడడంతో ఈ మూవీ బృందం వారు ఈ సినిమాకు సంబంధించిన అన్ని ఏరియాల థియేటర్ హక్కులను అమ్మి వేస్తూ వస్తున్నట్లు తెలుస్తోంది. అందులో భాగంగా తాజాగా ఈ సినిమాకు సంబంధించిన కర్ణాటక ఏరియా థియేటర్ హక్కులను కూడా ఈ మూవీ యూనిట్ వారు అమ్మి వేసినట్లు తెలుస్తోంది.
ప్రస్తుతం అందుతున్న సమాచారం ప్రకారం ఈ సినిమా యొక్క కర్ణాటక హక్కులను జేపిఆర్ ఫిలిమ్స్ సంస్థ దక్కించుకున్నట్లు తెలుస్తుంది. ఈ సంస్థ ఈ మూవీ యొక్క కర్ణాటక ఏరియా థియేటర్ హక్కులను భారీ ధరకు కొనుగోలు చేసినట్లు తెలుస్తోంది. ఇక జెపిఆర్ ఫిలిమ్స్ సంస్థ వారు ఈ మూవీ ని కర్ణాటక ఏరియాలో చాలా పెద్ద ఎత్తున విడుదల చేయడానికి సన్నాహాలు చేస్తున్నట్లు తెలుస్తోంది.