ఎక్స్క్లూజివ్: ‘అఖండ 2’ సినిమా వాయిదా.. బాలయ్య కెరీయర్ పై ఎలాంటి ఇంపాక్ట్ చూపిస్తుంది..?
టాలీవుడ్లో భారీ అంచనాలు నెలకొల్పిన క్రేజీ సీక్వెల్ చిత్రం ‘అఖండ 2’ ప్రస్తుతం ఫిలిం నగర్లో హాట్ టాపిక్గా మారింది. అసలుకు ఈ చిత్రం మరికొద్ది గంటల్లో ప్రేక్షకుల ముందుకు వచ్చేయాలని ప్లాన్ చేసిన మేకర్స్, వరుసగా విడుదల తేదీని ఊరిస్తూ చివరి నిమిషంలో వాయిదా వేయడం అన్ని వర్గాల్లో తీవ్ర చర్చకు దారితీసింది.ప్రత్యేకంగా—బాలకృష్ణలాంటి స్టార్ హీరో సినిమా చివరి షెడ్యూల్ వరకు సజావుగా జరుగుతూనే ఉండగా అకస్మాత్తుగా వాయిదా పడటంపై అభిమానులు ఆగ్రహం వ్యక్తం చేస్తున్నారు. “ఇలాంటి అనూహ్య పరిస్థితులు ఎలా వస్తాయి? రిలీజ్కి గంటలు మాత్రమే మిగిలి ఉండగా సమస్యలు ఎలా వచ్చాయి?” అంటూ సోషల్ మీడియాలో అభిమానులు, సినీ ప్రేక్షకులు ప్రశ్నలు గుప్పిస్తున్న పరిస్థితి కనిపిస్తోంది.సినీ సర్కిల్స్ సమాచారం ప్రకారం, చిత్ర నిర్మాణ సంస్థకు సంబంధించిన కొన్ని ఫైనాన్షియల్ ఇష్యూలు, పోస్ట్-ప్రొడక్షన్ డెలేలు, అలాగే కొన్ని క్లారిటీ రిపోర్టులు, సెన్సార్కు సంబంధించిన విషయాలు పూర్తిగా క్లియర్ కాకపోవడం వలన ఈ నిర్ణయం తీసుకున్నట్లు టాక్ వినిపిస్తోంది. అయితే అధికారికంగా మేకర్స్ మాత్రం పూర్తి వివరాలు వెల్లడించకపోవడంతో ఊహాగానాలు మరింత పెరిగిపోయాయి.
అఖండ ఫ్రాంచైజ్కు ఉన్న క్రేజ్ గురించి ప్రత్యేకంగా చెప్పాల్సిన పనిలేదు. మొదటి భాగం బ్లాక్బస్టర్ అయిన నేపథ్యంలో, ‘అఖండ 2’పై ఫ్యాన్స్తో పాటు సాధారణ ప్రేక్షకుల్లోనూ ఆకాశాన్ని తాకే అంచనాలు ఏర్పడ్డాయి. బోయపాటి శ్రీను—బాలయ్య కాంబినేషన్ అంటే ఎప్పుడూ రికార్డుల జోరు. అలాంటి సినిమా రిలీజ్కి గంటల ముందు ఇలా ఆగిపోవడంతో అందరి దృష్టి ఇప్పుడు ఒక్క ప్రశ్నపై పడింది…
అధికారికంగా మేకర్స్ ఎలాంటి కొత్త తేదీ ప్రకటించకపోయినా, ఫ్యాన్స్ మాత్రం త్వరలోనే విడుదల చేయాలని సోషల్ మీడియా ద్వారా ఒత్తిడి పెంచుతున్నారు. సినీ విశ్లేషకుల అభిప్రాయం ప్రకారం— హైప్ ఉన్న సినిమాలు వాయిదా పడ్డా, క్రేజ్ తగ్గే అవకాశం తక్కువే.కానీ, చివరి నిమిషంలో మార్పులు ప్రేక్షకుల్లో గందరగోళం సృష్టిస్తాయి.అఖండ 2 లాంటి భారీ యాక్షన్ ఎంటర్టైనర్కు మాత్రం వాయిదా పెద్ద నష్టం చేస్తుందని కనిపించదు.అయితే అసలు ప్రభావం సినిమా రిలీజ్ అయ్యే వరకూ చెప్పడం కష్టమే.
అఖండ 2 ఫలితం ఎలా ఉండబోతోంది?
ఇండస్ట్రీ టాక్ను బట్టి చూస్తే—బాలయ్య పాత్ర డిజైన్ మొదటి భాగం కంటే మాస్గా ఉంటుందని.బోయపాటి స్టైల్ ఎలిమెంట్స్ డబుల్ డోస్గా ఉండనున్నాయని.యాక్షన్ సీన్స్, బ్యాక్గ్రౌండ్ స్కోర్ సినిమాకే హైలైట్ అవుతాయని..సినిమా చుట్టూ ఉన్న హైప్ మాత్రం ఇంకా అదే స్థాయిలో కొనసాగుతోంది.