అఖండ 2 వాయిదా: బాలయ్య ఫ్యాన్స్ సెన్సేషనల్ డెసీషన్.. ఇది నిజమైన అభిమానం అంటే..!
టాలీవుడ్లో తనకంటూ ప్రత్యేక స్థానం ఏర్పరుచుకున్న హీరో నందమూరి బాలకృష్ణ. ప్రతి సినిమాలోనూ ఆయన చూపించే ఎనర్జీ, డైలాగ్ డెలివరీ, స్క్రీన్ ప్రెజెన్స్కి ప్రత్యేక క్రేజ్ ఉంటుంది. బాలయ్య–బోయపాటి శ్రీను కాంబినేషన్ అంటే ఏమిటో ‘సింహా’, ‘లెజెండ్’, ‘అఖండ’ లాంటి బ్లాక్బస్టర్లే ప్రత్యక్ష సాక్ష్యం. అలాంటి కాంబినేషన్లో వస్తోన్న ‘అఖండ 2’ పై అంచనాలు ఏ స్థాయిలో ఉన్నాయో చెప్పనక్కర్లేదు. టీజర్, ట్రైలర్లు విడుదలైన క్షణం నుంచే సోషల్ మీడియాలో సునామీలా పాకిపోయాయి. బాలయ్య మాస్ స్క్రీన్ ప్రెజెన్స్కి అభిమానులు ఫిదా అయ్యారు. ఈ సినిమా బాక్సాఫీస్ దగ్గర రికార్డుల వర్షం కురిపించబోతుందని, పాన్–ఇండియా రేంజ్లో సంచలనం సృష్టించబోతుందని అందరూ నమ్మారు.అయితే, ఎవరూ ఊహించని విధంగా… రిలీజ్కు గంటలు మాత్రమే మిగిలి ఉండగా సినిమా వాయిదా పడినట్లు నిర్మాతలు అధికారికంగా వెల్లడించారు. ఈ ఒక్క వార్తతో సోషల్ మీడియాలో చర్చలు, విమర్శలు, ట్రోలింగ్ మరింత ఉధృతంగా మారాయి. చివరి నిమిషంలో ఇలా వాయిదా వేయడం ఎందుకు? ఎలాంటి సమస్యలు వచ్చాయో? అన్న ప్రశ్నలు నెట్టింట అంతటా వినిపించాయి.
కొంతమంది ట్రోలర్స్ మాత్రం బాలయ్యను టార్గెట్ చేస్తూ సోషల్ మీడియాలో ఘాటుగా రియాక్ట్ అయ్యారు. “ఇంత సీనియర్ స్టార్ అయిన బాలయ్య సినిమా కూడా ఇలా ఆగిపోవడం ఏంటి?”, “ఇంత ప్రభావం ఉన్న వ్యక్తి సినిమా రిలీజ్కి కూడా అడ్డంకులు తొలగించుకోలేకపోయాడా?” అంటూ విమర్శలు గుప్పించారు.అయితే, మరో వైపు నిజమైన అభిమానం ఎలా ఉంటుందో బాలయ్య అభిమానులు చూపించారు. చిన్న నెగిటివ్ కామెంట్లకు కుప్ప పడకుండా, ఎక్కడా ఆగ్రహం ప్రదర్శించకుండా వారు ఇచ్చిన స్పందన అందరిని ఆశ్చర్యపరిచింది.
బాలయ్య ఫ్యాన్స్ ఏమంటున్నారు అంటే—“సినిమా ఎప్పుడు రిలీజ్ అయిందో, ఎలా రిలీజ్ అయిందో అనే విషయం కాదు. బాలయ్య సినిమా అంటే అదిరిపోయే రికార్డులు గ్యారంటీ. వాయిదా పడినా మా ధైర్యం తగ్గదు. బాలయ్య గారికి మేము ఎప్పుడూ సపోర్ట్గానే ఉంటాం.”అంటూ సోషల్ మీడియాలో ఫుల్ పాజిటివ్ ఎనర్జీతో ట్రెండ్ చేస్తున్నారు.ట్రోల్స్ చేసే వారిని కూడా ఘాటుగా కౌంటర్ చేస్తున్నారు.
“సినిమా హిట్ అవుతుందా అనేది తరువాత విషయం. కానీ రిలీజ్ వాయిదా పడ్డా కూడా అభిమానులు ఇలా బలం చాటడం… ఇదే నిజమైన నందమూరి అభిమానం.”అనే కామెంట్లు ఇప్పుడు వైరల్ అవుతున్నాయి.సినిమా వాయిదా వెనుక ఉన్న అసలు కారణం ఏమిటనే అంశంపై ఇంకా అధికారికంగా పూర్తి క్లారిటీ రాలేదు. కానీ ఫ్యాన్స్ మాత్రం ఏ కారణం వచ్చినా, ఎంత ఆలస్యం జరిగినా ‘అఖండ 2’ బాలయ్య కెరీర్లో గొప్ప మైలురాయి అవుతుందని 100% నమ్మకం వ్యక్తం చేస్తున్నారు.అభిమానుల ధైర్యం, విశ్వాసం, ప్రేమ… బాలయ్య స్టార్ స్టామినా ఏ స్థాయిలో ఉందో మరోసారి నిరూపించింది. నిజమైన అర్థంలో “అభిమానం” అంటే ఇదే అని నెట్టింట మొత్తం ప్రశంసలు వెల్లువెత్తుతున్నాయి.