Savitri @ 90Years: అదే సావిత్రి కొంప ముంచిందా..? ఇల్లు, ఆస్తులను ఎందుకు అమ్మేయాల్సి వచ్చింది..?
జెమినీ గణేషన్—సావిత్రి జీవితంలో కీలక మలుపు. ప్రారంభంలో ఆమెకి అవకాశాలు తెచ్చిపెట్టిన వ్యక్తి. తరువాత ఆమె జీవిత భాగస్వామిగా మారిన వ్యక్తి. కానీ అదే వ్యక్తి ఆమె జీవితాన్ని వెలుగుల నుంచి చీకట్లకు నెట్టిన వ్యక్తి కూడా. సావిత్రి వ్యక్తిగత జీవితంలో వచ్చిన ఆ తుఫాన్లు ఆమె మనస్సును ఛిద్రము చేసాయి. అయినా… ఆ బాధ, ఆ ఆవేదన… స్క్రీన్ మీద మాత్రం మరింత లోతైన నటనగా, మరింత అద్భుతమైన భావోద్వేగంగా మారి బయటపడేవి.ఇప్పటికీ సావిత్రి లేకున్నా, ప్రతి రోజు—ఎక్కడో ఒక చోట, ఏదో వేదికపై, సోషల్ మీడియాలో, టీవీ డిబేట్లలో, సినీ పరిశీలనల్లో—ఆమె గురించే చర్చ మొదలవుతుంది. ఆమె పాత్రలు, ఆమె డైలాగులు, ఆమె నటన, ఆమె చిరునవ్వు—ప్రతి ఒక్కటి ఇంకా జీవంతో ఉంది. ఇంకా చేరని ఎన్నో తరాలకు ఆమెను ‘మహానటి’గా పరిచయం చేస్తున్నాయి.
సావిత్రి లాస్ట్ రోజుల్లో చాలా ఇబ్బందులు ఎదురుకున్నారు ఉన్న ఇల్లు ఆస్తులు అమ్ముకోవాల్సిన పరిస్ధితి వచ్చింది. సావిత్రి లావాదేవీల్లో అజమాయిషీ చేసే జెమిని గణేశన్ ఆమె దర్శకత్వం వహించడం, నిర్మాణ బాధ్యతలు స్వీకరించడం వంటి పనులు ఇష్టం ఉండేవి కావు. బహుశా ఇలాంటి విషయాల్లో ఇద్దరికీ అభిప్రాయ భేదాలు వచ్చి ఉండడం వల్ల కాబోలు 1969లో ఇద్దరూ విడిపోయారు. 1970లో సావిత్రి తల్లిగారు కాలధర్మం చెందారు. అది సావిత్రిని మానసికంగా మరింత క్రుంగదీసింది. 71లో సావిత్రి చేసిన మరో పెద్ద పొరపాటు ‘మూగమనసులు’ చిత్రాన్ని తమిళంలో ‘ప్రాప్తం’పేరుతో నిర్మించడం. అది పెద్ద ఫ్లాప్ కావడంతో చాలా డబ్బు నష్టపోయి, ఇల్లు, కొన్ని ఆస్తులూ అమ్మేయాల్సి వచ్చింది.
ఆమె నటించిన సినిమాలు కాలం దాటి చిరంజీవిగా నిలిచిపోయాయి. వాటిలో ఉన్న భావోద్వేగం, ఆమె చూపుల్లోని లోతు, ఆమె నటనలోని గొప్పదనం—ఇన్నాళ్ల తర్వాత కూడా తగ్గలేదు.పేదరికం నుంచి బయటపడి, తనే తనకో ప్రపంచం సృష్టించుకుని, దేశం మొత్తం ఇష్టపడే నటి అయి, ఖ్యాతి శిఖరాలను అధిరోహించి… చివరకు వ్యక్తిగత జీవితంలోని దెబ్బలతో కుంగిపోయినా… ఆమె కళ మాత్రం ఎన్నటికీ కుంగలేదు. అందుకే సావిత్రి కేవలం ఒక నటి కాదు… ఒక యుగం. ఒక పాఠం. ఒక శిఖరం.ఫైనల్ గా ఒక్క మాట..సావిత్రి అంటే— కళకు అంకితం..భావోద్వేగానికి రూపం..స్టార్డమ్కు నిర్వచనం..ఎప్పటికీ అడుగులు చెరిగిపోని చిరస్థాయి ముద్ర..!