రాజా సాబ్ ఈవెంట్ లో ప్రభాస్ మాట్లాడిన ఆ మాటకి..అనీల్ రావిపూడి రియాక్షన్..!
సంక్రాంతి కానుకగా థియేటర్లలో విడుదలకు సిద్ధమవుతున్న సినిమాలపై ఇప్పటికే భారీ అంచనాలు ఏర్పడ్డాయి. ప్రతి ఏటా మాదిరిగానే ఈసారి కూడా సంక్రాంతి బరిలోకి పలు అవైటెడ్ చిత్రాలు దిగుతున్నాయి. వాటిలో ముఖ్యంగా ప్రేక్షకుల దృష్టిని ఎక్కువగా ఆకర్షిస్తున్న చిత్రం ‘ది రాజా సాబ్’. రెబల్ స్టార్ ప్రభాస్ హీరోగా నటిస్తున్న ఈ సినిమా పట్ల అభిమానుల్లో, సినీ వర్గాల్లో భారీ అంచనాలు నెలకొన్నాయి.ఈ నేపథ్యంలో ఇటీవలే ‘ది రాజా సాబ్’ చిత్రానికి సంబంధించిన గ్రాండ్ ప్రీ-రిలీజ్ ఈవెంట్ అత్యంత వైభవంగా నిర్వహించారు. ఈ ఈవెంట్కు అభిమానులు భారీ సంఖ్యలో హాజరై, కార్యక్రమాన్ని మరింత ప్రత్యేకంగా మార్చారు. అయితే ఈ వేడుకలో ప్రభాస్ చేసిన ఒక వ్యాఖ్య ఇప్పుడు సోషల్ మీడియాలో, సినీ వర్గాల్లో హాట్ టాపిక్గా మారింది.
ఈ సందర్భంగా ప్రభాస్ మాట్లాడుతూ,“మేము ఎప్పుడూ సీనియర్ హీరోల తర్వాతే. సీనియర్లు అంటే సీనియర్లే”అని వ్యాఖ్యానించారు. ఈ మాటలు విన్న వెంటనే అక్కడున్న అభిమానులు చప్పట్లతో హోరెత్తించారు. పాన్ ఇండియా స్థాయిలో తిరుగులేని స్టార్డమ్ సంపాదించుకున్నప్పటికీ, టాలీవుడ్లోని సీనియర్ హీరోలకు ప్రభాస్ ఇచ్చిన గౌరవం అందరి హృదయాలను గెలుచుకుంది. ఆయన మాటల్లో కనిపించిన వినయం, సంస్కారం, పెద్దల పట్ల గౌరవం అభిమానులను మాత్రమే కాదు, సినీ ప్రముఖులను కూడా ఆకట్టుకుంది.
ఇక ప్రభాస్ చేసిన ఈ వ్యాఖ్యలపై తాజాగా ప్రముఖ దర్శకుడు అనీల్ రావిపూడి స్పందించారు. మెగాస్టార్ చిరంజీవి నటించిన సినిమాకు దర్శకత్వం వహించిన అనీల్ రావిపూడి, ప్రభాస్ వ్యాఖ్యలపై తన అభిప్రాయాన్ని వెల్లడించారు. ప్రస్తుతం ఆయన చేసిన కామెంట్స్ ఇండస్ట్రీలో చర్చనీయాంశంగా మారాయి.అనీల్ రావిపూడి మాట్లాడుతూ,పాన్ ఇండియా స్థాయిలో ఇంతటి స్టార్డమ్ ఉన్నప్పటికీ ప్రభాస్ టాలీవుడ్ సీనియర్ హీరోలకు ఇచ్చే గౌరవం ఆయన వ్యక్తిత్వానికి అద్దం పడుతుందని తెలిపారు. అంత పెద్ద హీరో అయినా కూడా తన మూలాలను మర్చిపోకుండా, సీనియర్లను ఎప్పుడూ ముందు ఉంచే విధానం నిజంగా అభినందనీయమని చెప్పారు. అందుకే ప్రభాస్కు హ్యాట్సాఫ్ చెప్పాలని తన మనసులో అనుకున్నట్టు వెల్లడించారు.
అంతేకాకుండా,“ఈ విషయాన్ని ఒక గ్రాండ్ ఈవెంట్లోనే చెప్పాలని అనుకున్నాను. అవకాశం వచ్చినప్పుడు తప్పకుండా మళ్లీ ఇదే మాటను చెబుతాను"అని అనీల్ రావిపూడి స్పష్టం చేశారు. ప్రభాస్ పట్ల ఆయన చూపిన గౌరవం, అభిమాన భావన ఇప్పుడు సోషల్ మీడియాలో విస్తృతంగా వైరల్ అవుతోంది.
మొత్తానికి, ఒకవైపు ‘ది రాజా సాబ్’ సినిమాపై అంచనాలు రోజురోజుకూ పెరుగుతుంటే, మరోవైపు ప్రభాస్ వినయభావం, సీనియర్ హీరోల పట్ల ఆయన చూపిస్తున్న గౌరవం అభిమానులను మరింతగా ఆకట్టుకుంటోంది. స్టార్డమ్ ఎంత పెరిగినా, నేలపై నిలబడి పెద్దల్ని గౌరవించే స్వభావం వల్లే ప్రభాస్ను అభిమానులు ప్రేమగా ‘డార్లింగ్’ అని పిలుస్తారనే విషయం మరోసారి రుజువైంది.ఇక ప్రభాస్పై అనీల్ రావిపూడి చేసిన ఈ స్టేట్మెంట్ కూడా ప్రస్తుతం సోషల్ మీడియాలో తెగ వైరల్ అవుతోంది. ప్రభాస్ వ్యక్తిత్వం, ఆయన సంస్కారం, సినీ పరిశ్రమలో ఆయనకు ఉన్న గౌరవం మరోసారి స్పష్టంగా కనిపించిందని అభిమానులు కామెంట్స్ చేస్తున్నారు.