పాప్ కార్న్ తినడం వల్ల కలిగే నష్టాలివే.. ఈ షాకింగ్ విషయాలు మీకు తెలుసా?
సాధారణంగా సినిమా చూస్తున్నప్పుడో లేదా సాయంత్రం వేళ సరదాగా కాలక్షేపం కోసమో మనం ఎక్కువగా తినే స్నాక్స్ లో పాప్కార్న్ ఒకటి. మొక్కజొన్నతో చేసే ఈ పదార్థం ఆరోగ్యానికి మంచిదని చాలామంది భావిస్తారు. అయితే మనం తినే విధానాన్ని బట్టి, అందులో కలిపే పదార్థాలను బట్టి పాప్కార్న్ వల్ల కొన్ని షాకింగ్ నష్టాలు కూడా ఉన్నాయన్న విషయం మీకు తెలుసా? ముఖ్యంగా థియేటర్లలో దొరికే లేదా ప్యాకెట్లలో లభించే ఇన్స్టంట్ పాప్కార్న్ ఆరోగ్యానికి ఎంతో హానికరం.
థియేటర్లలో లభించే పాప్కార్న్లో రుచి కోసం విపరీతమైన ఉప్పును, వెన్న (బటర్)ను ఉపయోగిస్తారు. ఇందులో ఉండే అధిక సోడియం రక్తపోటును పెంచి, గుండె సంబంధిత సమస్యలకు దారితీస్తుంది. అలాగే, ఆకర్షణీయమైన వాసన కోసం ఇందులో 'డైఎసిటైల్' అనే రసాయనాన్ని కలుపుతుంటారు. ఇది ఊపిరితిత్తులపై తీవ్ర ప్రభావం చూపి శ్వాసకోస సమస్యలకు కారణమవుతుందని ఆరోగ్య నిపుణులు హెచ్చరిస్తున్నారు. ఇక మైక్రోవేవ్ పాప్కార్న్ ప్యాకెట్ల లోపలి పొరలో 'పెర్ఫ్లోరోక్టానోయిక్ యాసిడ్' అనే రసాయనం ఉంటుంది. ప్యాకెట్ వేడెక్కినప్పుడు ఈ రసాయనం పాప్కార్న్లోకి చేరుతుంది, ఇది థైరాయిడ్ సమస్యలతో పాటు క్యాన్సర్ వంటి వ్యాధుల ప్రమాదాన్ని పెంచుతుంది.
వీటన్నింటికీ తోడు, మార్కెట్లో దొరికే పాప్కార్న్లో కేలరీలు చాలా ఎక్కువగా ఉంటాయి. ఒక సాధారణ బకెట్ పాప్కార్న్ తింటే అది దాదాపు రెండు పూటల భోజనంతో సమానమైన కొవ్వును శరీరానికి చేరుస్తుంది. ఇది బరువు పెరగడానికి, ఊబకాయానికి ప్రధాన కారణంగా మారుతుంది. ప్యాకెట్లలో దొరికే పాప్కార్న్ను ఎక్కువ కాలం నిల్వ ఉంచడానికి వాడే ప్రిజర్వేటివ్స్ జీర్ణవ్యవస్థను దెబ్బతీస్తాయి. కాబట్టి, ఆరోగ్యంగా ఉండాలంటే బయట కొనే పాప్కార్న్కు దూరంగా ఉండి, ఇంట్లోనే తక్కువ నూనె లేదా నెయ్యి, తక్కువ ఉప్పుతో మొక్కజొన్న గింజలను వేయించుకుని తినడం శ్రేయస్కరం. పాప్ కార్న్ ను ఎక్కువగా తినేవాళ్లు ఈ విషయాలను కచ్చితంగా గుర్తుంచుకుంటే ఆరోగ్య సమస్యల బారిన పడకుండా రక్షించుకోవచ్చు.