ఆ ముగ్గురు హీరోలలో ఒకరు అనిల్ రావిపూడి ఛాన్స్ ఇస్తారా.. బ్లాక్ బస్టర్ హిట్ పక్కా!
టాలీవుడ్ వాణిజ్య చిత్రాల దర్శకుల్లో అనిల్ రావిపూడి ఇప్పుడు ఒక బ్రాండ్గా మారిపోయారు. అపజయమెరుగని దర్శకుడిగా దూసుకుపోతున్న ఆయన, ఇటీవల మెగాస్టార్ చిరంజీవి గారితో చేసిన సినిమా మన శంకర వరప్రసాద్ గారు బాక్సాఫీస్ వద్ద భారీ విజయాన్ని నమోదు చేయడంతో అనిల్ రావిపూడి పేరు ఇండస్ట్రీలో మారుమ్రోగుతోంది. తనదైన శైలిలో వినోదాన్ని పండిస్తూ, కమర్షియల్ హంగులను మేళవించడంలో ఆయన సిద్ధహస్తుడని మరోసారి నిరూపితమైంది.
ప్రస్తుతం సోషల్ మీడియాలోనూ, సినీ వర్గాల్లోనూ అనిల్ రావిపూడి తదుపరి ప్రాజెక్టుల గురించి ఆసక్తికరమైన చర్చలు జరుగుతున్నాయి. ముఖ్యంగా టాలీవుడ్ టాప్ హీరోలైన జూనియర్ ఎన్టీఆర్, రామ్ చరణ్, ప్రభాస్ వంటి స్టార్లతో ఆయన ఒక సినిమా చేస్తే బాగుంటుందని అభిమానులు సోషల్ మీడియా వేదికగా ఆకాంక్షిస్తున్నారు. అనిల్ రావిపూడి మార్క్ కామెడీ టైమింగ్ ఈ స్టార్ హీరోల మాస్ ఇమేజ్కు తోడైతే బాక్సాఫీస్ వద్ద వసూళ్ల వర్షం కురవడం ఖాయమని విశ్లేషకులు అభిప్రాయపడుతున్నారు.
మరోవైపు, అక్కినేని హీరోలతో కూడా అనిల్ రావిపూడి సినిమా చేయాలని నెటిజన్లు కోరుకుంటున్నారు. నాగార్జున లేదా నాగచైతన్యకు అనిల్ ఒక పక్కా ఫ్యామిలీ ఎంటర్టైనర్ ఇస్తే అది కచ్చితంగా సెన్సేషన్ అవుతుందని వారు భావిస్తున్నారు. ఈ క్రమంలోనే నందమూరి బాలకృష్ణ తనయుడు మోక్షజ్ఞ సినీ రంగ ప్రవేశం గురించి కూడా పెద్ద ఎత్తున చర్చ జరుగుతోంది. మొదటి సినిమాతోనే మాస్, క్లాస్ ప్రేక్షకులను ఆకట్టుకోవాలంటే అనిల్ రావిపూడి సరైన ఛాయిస్ అని, మోక్షజ్ఞ లాంచింగ్ సినిమాకు ఆయనే దర్శకత్వం వహిస్తే ఫలితం అద్భుతంగా ఉంటుందని నెటిజన్లు కామెంట్లు చేస్తున్నారు.
వరుస విజయాలతో జోరు మీదున్న అనిల్ రావిపూడి తన భవిష్యత్తు ప్రణాళికలను ఏ విధంగా సిద్ధం చేసుకుంటున్నారో చూడాలి. పెద్ద హీరోలతో ప్రాజెక్టులు పట్టాలెక్కుతాయా లేదా కొత్త వారితో ప్రయోగాలు చేస్తారా అనేది త్వరలోనే తేలనుంది. మొత్తానికి అనిల్ రావిపూడి తన మార్క్ సినిమాలతో టాలీవుడ్ బాక్సాఫీస్ వద్ద తన ఆధిపత్యాన్ని కొనసాగిస్తున్నారు.