డేట్ ఇచ్చే ముందు అంతా క్యాలిక్యులేషన్నేనా? స్టార్ స్ట్రాటజీ బయటపడిందా!
రెబల్ స్టార్ ప్రభాస్ ప్రస్తుతం వరుస పాన్ ఇండియా ప్రాజెక్టులతో ఇండియన్ బాక్సాఫీస్ను ఏలుతున్నారు. అయితే, అందరినీ అమితంగా ఆసక్తికి గురిచేస్తున్న చిత్రం మాత్రం 'స్పిరిట్'. 'అర్జున్ రెడ్డి', 'యానిమల్' వంటి చిత్రాలతో ట్రెండ్ సెట్ చేసిన సందీప్ రెడ్డి వంగా, ప్రభాస్ను ఒక పవర్ఫుల్ పోలీస్ ఆఫీసర్గా ఎలా చూపిస్తారో అని ఫ్యాన్స్ కళ్ళు కాయలు కాచేలా ఎదురుచూస్తున్నారు. తాజాగా ఈ సినిమా 2027 మార్చి 5న ప్రపంచవ్యాప్తంగా గ్రాండ్గా విడుదల కాబోతోందని మేకర్స్ అధికారికంగా ప్రకటించారు.
మార్చి 5న రిలీజ్ డేట్ ఫిక్స్ చేయడం వెనుక సందీప్ వంగా ఒక భారీ స్కెచ్ వేశారని అర్థమవుతోంది. 2027 మార్చి 6న మహా శివరాత్రి పండుగ ఉంది. దానికి ముందు రోజే అంటే శుక్రవారమే సినిమాను దించుతున్నారు. ఆ తర్వాత మార్చి 10న రంజాన్ సెలవు కూడా ఉండటంతో, మొదటి వారంలోనే బాక్సాఫీస్ వద్ద కలెక్షన్ల సునామీ సృష్టించడానికి పక్కా ప్లాన్ రెడీ అయిపోయింది.మార్చిలో విడుదల చేయడం ద్వారా ఏప్రిల్, మే నెలల్లో ఉండే సమ్మర్ హాలిడేస్ను కూడా ఈ సినిమా క్యాష్ చేసుకోబోతోంది. ఇది ఒక ప్రాపర్ 'సమ్మర్ బ్లాక్ బస్టర్' ప్లాన్ అని ట్రేడ్ వర్గాలు విశ్లేషిస్తున్నాయి.
ఈ ఏడాది న్యూ ఇయర్ కానుకగా విడుదలైన ప్రభాస్ ఫస్ట్ లుక్ పోస్టర్ ఇంటర్నెట్ను షేక్ చేసింది. గాయాలతో ఉన్న ప్రభాస్కు హీరోయిన్ త్రిప్తి దిమ్రి సిగరెట్ వెలిగిస్తున్న ఆ రా అండ్ రస్టిక్ లుక్ చూసి ఫ్యాన్స్కు పూనకాలు వచ్చాయి. ప్రభాస్ తన కెరీర్లోనే ఎన్నడూ చూడని విధంగా ఒక 'హాట్ హెడెడ్' ఐపీఎస్ ఆఫీసర్గా ఈ సినిమాలో కనిపించబోతున్నారు. సందీప్ వంగా సినిమాల్లో ఉండే ఆ వైల్డ్ అండ్ ఇంటెన్స్ ఎమోషన్స్ ఈ సినిమాలో పీక్స్లో ఉండబోతున్నాయని అర్థమవుతోంది.కేవలం సౌత్ ఇండియా లేదా నార్త్ ఇండియా మాత్రమే కాదు, 'స్పిరిట్' సినిమాను ఏకంగా 8 అంతర్జాతీయ భాషల్లో విడుదల చేస్తున్నారు. తెలుగు, హిందీ, తమిళం, కన్నడ, మలయాళంతో పాటు చైనీస్, జపనీస్ మరియు కొరియన్ భాషల్లో కూడా ఈ విజువల్ వండర్ మెరవబోతోంది. దీని ద్వారా ప్రభాస్ మార్కెట్ను గ్లోబల్ లెవల్కు తీసుకెళ్లాలని టి-సిరీస్ మరియు భద్రకాళి పిక్చర్స్ ప్లాన్ చేస్తున్నాయి.
త్రిప్తి దిమ్రి హీరోయిన్గా నటిస్తుండగా, వర్సటైల్ యాక్టర్ ప్రకాష్ రాజ్ ఒక కీలక పాత్రలో కనిపించనున్నారు. ఇక విలన్ పాత్ర కోసం కొరియన్ స్టార్ హీరో మా డోంగ్-సియోక్ (Ma Dong-seok) పేరు పరిశీలనలో ఉన్నట్లు వార్తలు వస్తున్నాయి. ఒకవేళ ఇదే నిజమైతే, స్క్రీన్ మీద ప్రభాస్-మా డోంగ్ మధ్య జరిగే పోరు బాక్సాఫీస్ వద్ద రికార్డులను గల్లంతు చేయడం ఖాయం.మొత్తానికి 'స్పిరిట్' సినిమా రిలీజ్ డేట్ అనౌన్స్మెంట్తో రెబల్ ఫ్యాన్స్లో కొత్త ఉత్సాహం నెలకొంది. 2027 మార్చి 5వ తేదీ కోసం ఇప్పుడే కౌంట్డౌన్ మొదలైపోయింది. సందీప్ వంగా మేకింగ్, ప్రభాస్ మాస్ అప్పీల్ కలిస్తే వచ్చే ఆ 'స్పిరిట్' థియేటర్లలో ఏ రేంజ్ విధ్వంసం సృష్టిస్తుందో చూడాలి!