థియేటర్లు ఊగబోతున్నాయ్.. చరణ్ నుంచి సూపర్ మాస్ ట్రీట్!
మెగా పవర్ స్టార్ రామ్ చరణ్ ప్రస్తుతం తన కెరీర్లోనే అత్యంత క్రేజీ ప్రాజెక్టులతో బిజీగా ఉన్నారు. ఒకవైపు 'ఉప్పెన' ఫేమ్ బుచ్చిబాబు సానా దర్శకత్వంలో 'పెద్ది' (Peddi) షూటింగ్ను శరవేగంగా పూర్తి చేస్తున్నారు. అయితే, ఈ సినిమా తర్వాత చరణ్ ఎవరితో చేయబోతున్నారనే సస్పెన్స్కు తెరపడింది. తన ఫేవరెట్ డైరెక్టర్ సుకుమార్తో కలిసి మరోసారి బాక్సాఫీస్ దగ్గర విధ్వంసం సృష్టించడానికి చరణ్ సిద్ధమయ్యారు.గతంలో చరణ్ - సుకుమార్ కాంబోలో వచ్చిన 'రంగస్థలం' ఒక ప్రభంజనం. చిట్టిబాబుగా చరణ్ నటనకు ప్రపంచవ్యాప్తంగా ప్రశంసలు అందాయి. తాజా సమాచారం ప్రకారం, సుకుమార్ ఈ సినిమా కోసం రెండు భిన్నమైన కథలను సిద్ధం చేశారట. ఒకటి పక్కా క్లాస్ అండ్ స్టైలిష్ స్టోరీ కాగా, రెండోది 'రంగస్థలం' తరహాలో ఉండే రస్టిక్ ఊరమాస్ కథ.తన ఇమేజ్ కు, అభిమానుల అంచనాలకు తగ్గట్లుగా చరణ్ పక్కా మాస్ స్టోరీకే గ్రీన్ సిగ్నల్ ఇచ్చినట్లు తెలుస్తోంది. 'పుష్ప'తో గ్లోబల్ వైడ్ గా తన మార్క్ చూపించిన సుకుమార్, ఇప్పుడు చరణ్ కోసం ఒక పవర్ ఫుల్ స్క్రిప్ట్ డిజైన్ చేశారు.
ప్రస్తుతం చరణ్ నటిస్తున్న 'పెద్ది' సినిమా షూటింగ్ తుది దశకు చేరుకుంది."పెద్ది సినిమాలో రామ్ చరణ్ ఆట కూలీగా, సరికొత్త మాస్ లుక్ లో కనిపిస్తున్నారు. ఈ సినిమా మార్చి 27, 2026న (చరణ్ బర్త్డే) విడుదల కాబోతోంది. ఈ ప్రాజెక్ట్ కంప్లీట్ అవ్వగానే ఏమాత్రం గ్యాప్ తీసుకోకుండా సుకుమార్ ప్రాజెక్టును పట్టాలెక్కించాలని చరణ్ ఫిక్స్ అయ్యారు."సుకుమార్ తన సినిమాల్లో హీరోల క్యారెక్టరైజేషన్ను చాలా విభిన్నంగా చూపిస్తారు. 'పుష్ప 2'తో అల్లు అర్జున్ను మాస్ గాడ్ గా చూపించిన సుకుమార్, ఇప్పుడు చరణ్ను కూడా మరో లెవల్ లో ప్రెజెంట్ చేయబోతున్నారు.ఈ సినిమాకు కూడా మైత్రీ మూవీ మేకర్స్ మరియు సుకుమార్ రైటింగ్స్ సంయుక్తంగా నిర్మిస్తున్నాయి. ఇక దేవి శ్రీ ప్రసాద్ మ్యూజిక్ అందిస్తారా లేక ఈసారి మరో సెన్సేషన్ ఉండబోతోందా అనేది ప్రస్తుతానికి సస్పెన్స్.
గేమ్ ఛేంజర్' ఫలితంతో సంబంధం లేకుండా, చరణ్ తన తదుపరి సినిమాలతో కచ్చితంగా ₹1000 కోట్ల క్లబ్లో చేరాలని టార్గెట్ పెట్టుకున్నారు. 'RRR' తర్వాత చరణ్కు జపాన్, అమెరికాలో వచ్చిన క్రేజ్ను దృష్టిలో ఉంచుకుని ఈ సినిమాను పక్కా పాన్ వరల్డ్ స్థాయిలో ప్లాన్ చేస్తున్నారు. సుకుమార్ మార్క్ టేకింగ్ ఈ సినిమాకు బిగ్గెస్ట్ అసెట్ కానుంది.సోషల్ మీడియాలో ఈ కాంబో అనౌన్స్మెంట్ రాగానే మెగా ఫ్యాన్స్ ఖుషీ అవుతున్నారు. "చిట్టిబాబు మళ్ళీ వస్తున్నాడు.. ఈసారి రికార్డులు వేటాడటానికి!" అంటూ పోస్టులు పెడుతున్నారు. సుకుమార్ మార్క్ 'పెర్ఫెక్షన్' కు చరణ్ 'హార్డ్ వర్క్' తోడైతే బాక్సాఫీస్ బొమ్మ దద్దరిల్లడం ఖాయం.మొత్తానికి రామ్ చరణ్ తన లైనప్ తో అందరినీ ఆశ్చర్యపరుస్తున్నారు. ఒకవైపు బుచ్చిబాబుతో స్పోర్ట్స్ యాక్షన్ డ్రామా 'పెద్ది', మరోవైపు సుకుమార్తో ఊరమాస్ ఫిల్మ్. ఈ రెండు సినిమాలు బాక్సాఫీస్ దగ్గర ఎలాంటి వండర్స్ క్రియేట్ చేస్తాయో చూడాలి. జూన్ 2026 నుంచి సుకుమార్ సినిమా రెగ్యులర్ షూటింగ్ ప్రారంభం కాబోతోంది.