సోషల్ మీడియాలో ఈ మధ్యకాలంలో బాగా వైరల్ అవుతున్న అంశాల్లో రుక్మిణి వసంత్ పేరు ప్రముఖంగా వినిపిస్తోంది. ముఖ్యంగా ఆమెకు సంబంధించిన తాజా వార్తలు అభిమానుల్లోనే కాదు, సినీ వర్గాల్లో కూడా పెద్ద చర్చకు దారి తీస్తున్నాయి. “రుక్మిణి వసంత్ నిజంగానే అభిమానులకు కడుపు మండిపోయే పని చేయబోతోందా?”, “ఆమె తీసుకున్న నిర్ణయం వల్ల కెరియర్ డౌన్ అవుతుందా?” అనే రకరకాల ప్రశ్నలు ఇప్పుడు సోషల్ మీడియాలో హల్‌చల్ చేస్తున్నాయి.
కాంతారా సినిమాతో ఒక్కసారిగా లైమ్‌లైట్‌లోకి వచ్చిన రుక్మిణి వసంత్, ఆ సినిమాతోనే ఓవర్‌నైట్ స్టార్ హీరోయిన్గా గుర్తింపు తెచ్చుకుంది. ఆమె నటన, సహజమైన అందం, ట్రెడిషనల్ లుక్ ప్రేక్షకులను బాగా ఆకట్టుకున్నాయి. అంతేకాదు, పెద్ద హీరోల సినిమాల్లో అవకాశాలు కూడా ఆమెను వెతుక్కుంటూ వచ్చాయి. ఎన్టీఆర్ సినిమాలో అవకాశం దక్కించుకోవడం ఆమె కెరియర్‌లో ఒక కీలకమైన మైలురాయిగా భావించారు అభిమానులు.

అయితే, ఇలాంటి సమయంలోనే “రుక్మిణి వసంత్ ఒక ఐటమ్ సాంగ్‌లో నటించబోతోంది” అనే వార్త ఒక్కసారిగా అభిమానులను షాక్‌కు గురి చేసింది. ఈ వార్త బయటకు రాగానే సోషల్ మీడియాలో తీవ్ర ప్రతిస్పందనలు మొదలయ్యాయి. ముఖ్యంగా ఆమెను ఒక ట్రెడిషనల్ బ్యూటీగా, హద్దులు దాటని ఇమేజ్ ఉన్న నటిగా చూసిన అభిమానులు ఈ నిర్ణయాన్ని జీర్ణించుకోలేకపోతున్నారు. రుక్మిణి వసంత్ అంటే చాలామందికి గుర్తుకొచ్చేది ఆమె సింపుల్ నేచర్, నెమ్మదిగా మాట్లాడే విధానం, సంప్రదాయానికి దగ్గరగా కనిపించే లుక్. ఇప్పటివరకు ఆమె చేసిన పాత్రలన్నీ కూడా ఒక పద్ధతిలో, గౌరవంగా ఉండేవే. అలాంటి హీరోయిన్ ఒక ఐటమ్ సాంగ్‌లో నటిస్తే జనాలు ఎలా స్వీకరిస్తారు? ఆమెకు ఉన్న ట్రెడిషనల్ ఫ్యాన్ ఫాలోయింగ్ దృష్ట్యా ఇది నెగిటివ్ ఇంపాక్ట్ చూపించదా? అనే అనుమానాలు వ్యక్తమవుతున్నాయి.

కొంతమంది అయితే “ఇది కేవలం డబ్బు కోసమే తీసుకున్న నిర్ణయమా?”, “స్టార్‌డమ్ కొనసాగించడానికి ఇలాంటి మార్గాలు అవసరమా?” అంటూ విమర్శలు చేస్తున్నారు. మరికొందరు మాత్రం “ఒక నటిగా ఆమెకు అన్ని రకాల పాత్రలు, అన్ని రకాల పాటలు చేయడానికి హక్కు ఉంది. ఒక్క ఐటమ్ సాంగ్ వల్ల కెరియర్ పాడవ్వదు” అంటూ ఆమెకు మద్దతుగా నిలుస్తున్నారు. ఇలాంటి భిన్నాభిప్రాయాల మధ్య రుక్మిణి వసంత్ స్పందన ఎంతో కీలకంగా మారిందని సినీ విశ్లేషకులు అంటున్నారు. ఈ వార్తలపై ఆమె ఎంత త్వరగా స్పష్టత ఇస్తే అంత మంచిదని, లేదంటే అనవసరమైన పుకార్లు ఆమె కెరియర్‌పై ప్రతికూల ప్రభావం చూపించే అవకాశం ఉందని అభిప్రాయపడుతున్నారు. ఒక చిన్న మౌనం కూడా పెద్ద నెగిటివిటీకి దారి తీస్తుందనే విషయం ఈ రోజుల్లో సోషల్ మీడియా యుగంలో ప్రత్యేకంగా చెప్పాల్సిన అవసరం లేదు. మొత్తానికి, ఇది నిజమైన వార్తా? లేక కేవలం గాసిప్ మాత్రమేనా? అన్నది అధికారికంగా తేలాల్సి ఉంది. అభిమానులు మాత్రం రుక్మిణి వసంత నుంచి ఒక క్లారిటీ కోసం ఆసక్తిగా ఎదురుచూస్తున్నారు. ఆమె తీసుకునే నిర్ణయాలు భవిష్యత్తులో ఆమె కెరియర్‌ను ఏ దిశగా తీసుకెళ్తాయో చూడాలి. ఇప్పటికైతే, ఈ అంశం మాత్రం టాలీవుడ్‌లో హాట్ టాపిక్‌గా కొనసాగుతోంది.