పెద్ది సినిమాతో బుచ్చిబాబు ఆ రేంజ్ హిట్ సాధిస్తారా.. ఆ డైలాగ్స్ హైలెట్ కానున్నాయా?
ప్రస్తుతం టాలీవుడ్లో అత్యంత భారీ అంచనాలు నెలకొన్న చిత్రాల్లో 'పెద్ది' ఒకటి. మెగా పవర్స్టార్ రామ్ చరణ్, సెన్సేషనల్ డైరెక్టర్ బుచ్చిబాబు సన కాంబినేషన్లో వస్తున్న ఈ సినిమా అనౌన్స్మెంట్ నుంచే ప్రేక్షకుల్లో విపరీతమైన ఆసక్తిని రేకెత్తిస్తోంది. వాస్తవానికి ఈ కథ తొలుత మ్యాన్ ఆఫ్ మాసెస్ జూనియర్ ఎన్టీఆర్ వద్దకు వెళ్లినప్పటికీ, కొన్ని అనివార్య కారణాల వల్ల ఆయన ఈ ప్రాజెక్ట్ను వదులుకున్నారు. ఆ తర్వాత ఈ క్రేజీ ప్రాజెక్ట్ చరణ్ చేతుల్లోకి వెళ్లడం, ఆయన వెంటనే గ్రీన్ సిగ్నల్ ఇవ్వడం చకచకా జరిగిపోయాయి.
తొలి చిత్రం 'ఉప్పెన'తోనే బాక్సాఫీస్ వద్ద రికార్డులు సృష్టించిన బుచ్చిబాబు, ఈసారి ఒక స్పోర్ట్స్ డ్రామాను ఎంచుకోవడం విశేషం. ముఖ్యంగా ఈ సినిమా ఒలింపిక్స్ బ్యాక్డ్రాప్లో తెరకెక్కుతుండటం ఫిలిం నగర్ వర్గాల్లో హాట్ టాపిక్గా మారింది. దేశం గర్వించే క్రీడాకారుడిగా రామ్ చరణ్ ఈ చిత్రంలో కనిపిస్తారని, అందుకోసం ఆయన తన మేకోవర్ను కూడా పూర్తిగా మార్చుకున్నారని తెలుస్తోంది. ఉత్తరాంధ్ర నేపథ్యంలో సాగే ఈ కథలో ఎమోషన్స్తో పాటు యాక్షన్ సీక్వెన్స్లు కూడా నెక్స్ట్ లెవల్లో ఉంటాయని సమాచారం.
ఈ సినిమాకు సంబంధించి వినిపిస్తున్న మరో ఆసక్తికరమైన విషయం ఏమిటంటే, దీని క్లైమాక్స్ టాలీవుడ్లో గతంలో ఎన్నడూ చూడని విధంగా ఉండబోతోందట. ఒక స్పోర్ట్స్ ఫిల్మ్లో క్లైమాక్స్ అనేది ఎంతటి ఉద్వేగానికి గురి చేస్తుందో మనందరికీ తెలిసిందే, అయితే బుచ్చిబాబు ఈ విషయంలో ఒక భారీ ప్లాన్ సిద్ధం చేశారని, అదే సినిమాకు మేజర్ హైలైట్గా నిలుస్తుందని టాక్. ఆస్కార్ విజేత ఏఆర్ రెహమాన్ సంగీతం అందిస్తుండటం ఈ ప్రాజెక్ట్పై అంచనాలను మరింత పెంచేసింది. ఖచ్చితంగా ఈ ఏడాది బాక్సాఫీస్ను షేక్ చేసే చిత్రాల జాబితాలో 'పెద్ది' అగ్రస్థానంలో నిలుస్తుందని మెగా అభిమానులు ధీమా వ్యక్తం చేస్తున్నారు. పెద్ది సినిమా సరికొత్త రికార్డ్స్ క్రియేట్ చేయాలని అభిమానులు భావిస్తున్నారు.