టాలీవుడ్ నుంచి బాలీవుడ్కు బోయపాటి?.. మాస్ సీక్వెల్ కోసం ప్లాన్!
టాలీవుడ్ యాక్షన్ సినిమాలకు కేరాఫ్ అడ్రస్, మాస్ పల్స్ తెలిసిన మొనగాడు బోయపాటి శ్రీను. సింహా, లెజెండ్, అఖండ వంటి సినిమాలతో బాక్సాఫీస్ దగ్గర సౌండ్ బాక్సులు పేల్చిన ఈ డైరెక్టర్, రీసెంట్గా ‘అఖండ 2: తాండవం’ అప్డేట్స్తో నందమూరి అభిమానుల్లో పూనకాలు తెప్పించారు. అయితే, బోయపాటి తన తర్వాతి సినిమా ఎవరితో చేయబోతున్నారనే దానిపై గత కొన్నాళ్లుగా రకరకాల వార్తలు వినిపిస్తుండగా.. ఇప్పుడు ఏకంగా బాలీవుడ్ నుంచి ఒక సెన్సేషనల్ అప్డేట్ బయటకు వచ్చింది.మన దగ్గర బాలయ్య బాబు ఎంతటి ‘మాస్’ హీరోనో, బాలీవుడ్లో సన్నీ డియోల్ కూడా అదే రేంజ్. ఇప్పుడు ఈ ఇద్దరు మాస్ లెజెండ్స్ (బోయపాటి - సన్నీ) కలిస్తే బాక్సాఫీస్ పరిస్థితి ఏంటో ఊహించుకుంటేనే పూనకాలు వస్తున్నాయి.
రీసెంట్గా మన టాలీవుడ్ డైరెక్టర్ గోపీచంద్ మలినేని దర్శకత్వంలో సన్నీ డియోల్ నటించిన ‘జాట్’ (Jaat) సినిమా టీజర్, సాంగ్స్ చూసిన వారందరూ.. "ఇది అచ్చం బోయపాటి సినిమా లాగే ఉంది" అని కామెంట్స్ చేశారు. ఈ సినిమా ఇంకా రిలీజ్ కాకముందే మేకర్స్ దీనికి సీక్వెల్ను అనౌన్స్ చేశారు. అయితే, పార్ట్ 2ను గోపీచంద్ మలినేని కాకుండా మరో డైరెక్టర్ తెరకెక్కిస్తారని వార్తలు వచ్చాయి. తాజా సమాచారం ప్రకారం, ఆ ‘మరో డైరెక్టర్’ మరెవరో కాదు.. సాక్షాత్తు మన బోయపాటి శ్రీను అని తెలుస్తోంది. సన్నీ డియోల్ మాస్ ఇమేజ్కు, బోయపాటి యాక్షన్ టేకింగ్కు పక్కాగా సరిపోతుందని మేకర్స్ భావిస్తున్నారట.
సన్నీ డియోల్ ‘గదర్ 2’తో బాలీవుడ్ బాక్సాఫీస్ రికార్డులను ఎలా తిరగరాశారో మనకు తెలిసిందే. ఇప్పుడు ఆయనకు బోయపాటి మార్క్ ఎలివేషన్లు తోడైతే, బాలీవుడ్ జనాలు ఊగిపోవడం ఖాయం.బోయపాటి సినిమాలో ఉండే ఇంటెన్స్ ఫైట్లు, పవర్ ఫుల్ డైలాగులు సన్నీ డియోల్ బాడీ లాంగ్వేజ్కు పర్ఫెక్ట్ గా సెట్ అవుతాయి.ఈ క్రేజీ కాంబినేషన్ పై ప్రస్తుతం చర్చలు జరుగుతున్నాయని, త్వరలోనే ఒక భారీ అనౌన్స్మెంట్ వచ్చే అవకాశం ఉందని ఇండస్ట్రీ వర్గాలు చెబుతున్నాయి.ఈ గ్యాప్లో బోయపాటి ఏకంగా బాలీవుడ్ సుల్తాన్తో ‘జాట్ 2’ ప్లాన్ చేయడం టాలీవుడ్ సత్తాను చాటిచెప్తోంది.