కీర్తి సురేష్ హిందీ సినిమాకు టైటిల్ ఖరారు
ఇక కీర్తి ప్రస్తుతం తెలుగులో రెండు సినిమాల్లో నటిస్తూ బిజీగా వుంది. అందులో భాగంగా ఆమె ప్రస్తుతం నూతన దర్శకుడు నరేంద్ర డైరెక్షన్ లో ఓ లేడీ ఓరియెంట్డ్ మూవీ లో నటిస్తుంది. ఇటీవలే ఈ చిత్రం స్పెయిన్ షెడ్యూల్ ను పూర్తి చేసుకుంది. మహేష్ కోనేరు నిర్మిస్తున్న ఈ చిత్రం దసరా కు విడుదలకానుంది. ఈ సినిమాతోపాటూ కీర్తి 'ఇక్బాల్' ఫేమ్ నగేష్ కుకునూరు డైరెక్షన్లో ఓ స్పోర్ట్స్ డ్రామా లో నటిస్తుంది. ఈ చిత్రంలో ఆదిపినిశెట్టి మరో లీడ్ రోల్ లో నటిస్తుండగా జగపతి బాబు ముఖ్య పాత్రలో కనిపించనున్నారు. కాగా తమిళం లో ఇటీవలే ఓ లేడీ ఓరియెంటెడ్ సినిమాకు ఓకే చెప్పింది కీర్తి సురేష్. పేట డైరెక్టర్ కార్తీక్ సుబ్బరాజ్ ఈ చిత్రాన్ని నిర్మించనున్నాడు.