കിംഗ് ഓഫ് കൊത്ത; പ്രേക്ഷകർ ഏറെ കാത്തിരുന്ന മാസ്സ് പടം തിയറ്ററുകളിൽ! ദുൽഖർ നായകനായെത്തുന്ന മാസ്സ് പടം എന്ന ടാഗ്‌ലൈനിൽ വമ്പൻ പ്രചാരണം ലഭിച്ച ചിത്രം തീയേറ്ററുകളിൽ എങ്ങനെ എന്നറിയാൻ കാത്തിരിക്കുകയായിരുന്നു പ്രേക്ഷകർ. പാൻ ഇന്ത്യൻ റിലീസ് ആയി പുറത്തിറങ്ങിയ ചിത്രത്തിന് സമ്മിശ്ര പ്രതികരണമാണ് ലഭിക്കുന്നത്. മലയാള ചലച്ചിത്രലോകം ഏറെ പ്രതീക്ഷയോടെ കാത്തിരുന്ന ചിത്രം കിങ് ഓഫ് കൊത്ത സ്‌ക്രീനുകളിലെത്തിക്കഴിഞ്ഞു.ഗ്യാങ്സ്റ്റർ പടങ്ങളുടെ രസതന്ത്രത്തിൽ മാറ്റമൊന്നുമില്ലാതെ പഴയ വീഞ്ഞ് പുതിയ കുപ്പിയിൽ എന്ന നിലയിലാണ് പടം. പഴകും തോറും വീര്യം കൂടേണ്ടത് വീഞ്ഞിനാണെങ്കിൽ ഇവിടെ കുപ്പിക്കാണ് വീര്യം. കൊത്തയെ തീയേറ്ററുകളിൽ അനുഭവവേദ്യമാക്കുന്ന മൂന്നു ഘടകങ്ങൾ ഒന്ന് ക്യാമറ, രണ്ട് ആർട്ട്, മൂന്ന് മ്യൂസിക്.
കൊത്തയുടെ ആത്മാവും സത്തയും ഒപ്പിയെടുക്കുന്ന ക്യാമറ നിമിഷ് രവി മനോഹരമായി നിർവഹിച്ചിട്ടുണ്ട്. കൊത്തയ്ക്കായി സെറ്റും ആർട്ടും ചെയ്ത ടെക്നിക്കൽ ടീമും അഭിനന്ദനം അർഹിക്കുന്നു. ജേക്സ് ബിജോയ് അണിയിച്ചൊരുക്കുന്ന പശ്ചാത്തല സംഗീതത്തിലാണ് കൊത്തയുടെ മാസ്സ് ഹൈപ്പ് ഉണ്ടാകുന്നത്. കൊത്തയുടെ എനർജി ആ മ്യൂസിക്കാണ് എന്ന് പറയാം.
കൊത്തയെന്ന സാങ്കൽപ്പിക സ്ഥലത്ത് നടക്കുന്ന കഥയാണിത്. കഥാതന്തുവും, കഥപറച്ചിലും പതിവ് രീതിയിൽ തന്നെ. മാസ്സ് എന്റർടെയ്ന‍ർ ബ്ലോക്ക് ബസ്റ്റർ സ്വപ്നങ്ങളിലെത്തിയ ചിത്രം അത്രയേറെ വിജയമാകാൻ സാധ്യതയില്ല. പറഞ്ഞു തേഞ്ഞ കഥാതന്തുവാണ് ചിത്രത്തിന്റെ കുതിപ്പിന്റെ വേഗത കുറയ്ക്കുന്നത്. കഥാപാത്രങ്ങൾക്ക് കൂടുതലൊന്നും ചെയ്യാനില്ലാതെ പറഞ്ഞുപോകുന്ന കഥ പ്രേക്ഷകർ കണ്ടു മടുത്തതാണ്.
കൊത്തയെന്ന സാങ്കൽപ്പിക സ്ഥലത്ത് നടക്കുന്ന കഥയാണിത്. കഥാതന്തുവും, കഥപറച്ചിലും പതിവ് രീതിയിൽ തന്നെ. മാസ്സ് എന്റർടെയ്ന‍ർ ബ്ലോക്ക് ബസ്റ്റർ സ്വപ്നങ്ങളിലെത്തിയ ചിത്രം അത്രയേറെ വിജയമാകാൻ സാധ്യതയില്ല. പറഞ്ഞു തേഞ്ഞ കഥാതന്തുവാണ് ചിത്രത്തിന്റെ കുതിപ്പിന്റെ വേഗത കുറയ്ക്കുന്നത്. കഥാപാത്രങ്ങൾക്ക് കൂടുതലൊന്നും ചെയ്യാനില്ലാതെ പറഞ്ഞുപോകുന്ന കഥ പ്രേക്ഷകർ കണ്ടു മടുത്തതാണ്.
ദുൽഖറിന്റെ പ്രകടനം കാണാൻ എത്തുന്നവർക്ക് പ്രതീക്ഷയുടെ അത്രയും പെർഫോമൻസ് ലഭിക്കുന്നില്ല. പൊറിഞ്ചു മറിയം ജോസ് എഴുതിയ അഭിലാഷ് ചന്ദ്രനാണ് കൊത്തയുടെ തിരക്കഥയും ഒരുക്കിയതെങ്കിലും. ടെക്‌നിക്കലി റിച്ച് ആയ ഈ കൊത്തയുടെ ഭൂമിയിൽ രാജു മദ്രാസി അഴിഞ്ഞാടുന്നുണ്ട്. നൈലയും, ഷബീറും, ഷമ്മി തിലകനും, ചെമ്പൻ വിനോദും ശ്രദ്ധേയമായ അഭിനയം കാഴ്ചവെക്കുന്ന ചിത്രത്തിൽ ഗോകുൽ സുരേഷും അഭിനയത്തിൽ മികവ് പുലർത്തുന്നുണ്ട്. ചിത്രത്തിനായി നടൻ വരുത്തിയ ശാരീരിക മാറ്റങ്ങളെക്കുറിച്ച് നേരത്തെ ചർച്ചയുണ്ടായിരുന്നു. അച്ഛന്റെ പാതയിൽ പോലീസ് വേഷത്തിനുള്ളിൽ ഗോകുൽ സ്ക്രീൻ പ്രെസൻസ്‌ നൽകുന്നുണ്ട്. ഫ്ലാഷ് ബാക്ക് സ്റ്റോറിൽ കൊത്ത വാഴുന്ന രാജു മദ്രാസിയെന്ന ഗ്യാങ്സ്റ്ററെ ബിൽഡ് ചെയ്യുകയാണ് അഭിലാഷ് ജോഷി.
മാസ്സ് എവോൾവിങ് സീക്വൽ സീനുകളിലൂടെ അത് പ്രേക്ഷകനിലേക്കെത്തിക്കാൻ ജോഷിയുടെ മകന് കഴിഞ്ഞിട്ടുണ്ടെങ്കിലും അച്ഛന്റെ ട്രേഡ് മാർക്കിനെ തകർക്കാൻ ഇനിയും ദൂരം പിന്നിടേണ്ടി വരും.അതേസമയം തീയേറ്ററിൽ പഞ്ച് ലഭിക്കുന്ന സീനുകൾ ചിത്രത്തിലുണ്ട്. ഒരു ആവറേജ് സിനിമ എക്സ്പീരിയൻസ് ആണ് ചിത്രം നൽകുന്നത്. ഒരുപക്ഷേ അമിത പ്രതീക്ഷയുടെ സമ്മർദം കിങ് ഓഫ് കൊത്ത അനുഭവിക്കുന്നുണ്ട്. ആ അമിത പ്രതീക്ഷ ആസ്വാദനത്തെയും ബാധിക്കുന്നുണ്ട്. ആ ബാധ്യത മറികടക്കാൻ ചിത്രത്തിന് നല്ലതുപോലെ ബുദ്ധിമുട്ടേണ്ടി വരുന്നുണ്ട്. ഒരു വൺടൈം തീയേറ്റർ വാച്ചബിൾ മൂവിയാണ് കൊത്ത.