తెలుగు ఇండస్ట్రీలో రెబల్ స్టార్ కృష్ణం రాజు నట వారసుడిగా ‘ఈశ్వర్’ చిత్రంతో ఎంట్రీ ఇచ్చాడు యంగ్ రెబల్ స్టార్ ప్రభాస్. మొదట్లో పెద్దగా విజయవంతమైన చిత్రాలు లేకపోయినా..ఎస్ ఎస్ రాజమౌళి తెరకెక్కించిన ‘చత్రపతి’ చిత్రంతో ఒక్కసారే మాస్ ఇమేజ్ సంపాదించాడు. తర్వాత వచ్చిన డార్లింగ్, మిస్టర్ పర్ఫెక్ట్, మిర్చి సినిమాలతో లవర్ బోయ్ గా, ఫ్యామిలీ హీరోగా పేరు తెచ్చుకున్నాడు. ఇక బాహుబలి, బాహుబలి 2 చిత్రాలతో ప్రభాస్ పేరు ప్రపంచ వ్యాప్తంగా వినిపించింది.
బాహుబలి పాత్రలో ప్రభాస్ తన నట విశ్వరూపాన్ని చూపించాడు..దీంతో జాతీయ స్థాయిలో గుర్తింపు తెచ్చుకున్నాడు. ఇక సూపర్ చిత్రంతో ఎంట్రీ ఇచ్చిన హాట్ బ్యూటీ అనుష్క..తర్వాత అగ్ర హీరోల సరసన నటించి తెలుగు, తమిళ ఇండస్ట్రీలో నెంబర్ వన్ పొజీషన్ లోకి వెళ్లింది. ఇండస్ట్రీలో చాలా వరకు సినీతారలు ప్రేమించి పెళ్లి చేసుకున్నారు..ఈ నేపథ్యంలో అప్పట్లో బిల్లా, మిర్చి, బాహుబలి సీరీస్ లో కలిసి నటించిన ప్రభాస్, అనుష్క లు కూడా పెళ్లి చేసుకోబోతున్నారని వార్తలు వచ్చాయి.
అయితే ఈ వార్తలు కొట్టి పడేశారు ఇరు కుటుంబ సభ్యులు. తాజాగా వీరిద్దరి బంధంపై క్రిటిక్ ఉమైర్ సంధు సంచలన వ్యాఖ్యలు చేసాడు . డిసెంబర్ లో ప్రభాస్ అనుష్క లు పెళ్లి చేసుకోవడానికి రెడీ అవుతున్నారు అని ట్వీట్ చేసి సరికొత్త సంచలనానికి తెరలేపాడు. దుబాయ్ లో సెన్సార్ బోర్డ్ సభ్యుడినని చెప్పుకుంటూ సినిమాలు రిలీజ్ కాకుండానే రివ్యూలిచ్చేసే హడావుడి ఉమైర్ సంధు తాజాగా ప్రభాస్, అనుష్క ల గురించి ట్విట్ చేసి సినిమా ఇండస్ట్రీలో కొత్త సంచలనం సృస్టించారు.
అనుష్క, ప్రభాస్ క్లోజ్ ఫ్రెండ్ తనుకు ఈ విషయం చెప్పాడంటూ ఓ బాంబు పేల్చాడు. వీళ్లిద్దరూ త్వరలోనే పెళ్లిపీటలెక్కబోతున్నారని, అంతేకాదు, ఇప్పటికే వీళ్లు అధికారికంగా సహజీవనం చేసేస్తున్నారంటూ చెప్పుకొచ్చాడు. ప్రభాస్ సన్నిహితుడే ఈ విషయాన్ని నాకు చెప్పాడని డిసెంబర్ లో వాళ్ళు పెళ్లి చేసుకోవడం ఖాయమని అంటున్నాడు.
గతంలో కూడా ప్రభాస్ అనుష్క లపై రకరకాల గాసిప్ లు వచ్చాయి. అయితే అవన్నీ తెలిపోయాయి కానీ తాజాగా ఉమైర్ సంధు చేసిన ట్వీట్ తెలుగు చలనచిత్ర పరిశ్రమలో ప్రకంపనలు సృష్టించేలా ఉంది. మరోవైపు ఉమైర్ కామెంట్ పై ప్రభాస్, అనుష్క ఫ్యాన్స్ సోషల్ మీడియాలో అగ్గిమీద గుగ్గిలమవుతున్నారు. ఉమైర్ సంధు వ్యాఖ్యలపై ప్రభాస్ , అనుష్కలు ఎలా స్పందిస్తారో చూడాలి.
Breaking News for #Baahubali Fans ! #Prabhas & #AnushkaShetty will get engaged this December ! They are officially in Relationship Now. 😍 pic.twitter.com/Q8AaisOzVc— Umair Sandhu (@sandhumerry) October 3, 2017#AnushkaShetty & #Prabhas close friend told me that they love & care each other & they are officially in relationship now..!! ❤ pic.twitter.com/OhQk45bRJz— Umair Sandhu (@sandhumerry) October 3, 2017