శ్రీదేవిపై నిందలు వేసి మానసిక అశాంతికి గురిచేసిన రాజమౌళి
సందర్భమో అసందర్భమో రాజమౌళి మాత్రం శ్రీదేవిపట్ల అభ్యంతరకరంగా బాహుబలి ప్రచారకార్యక్రమాల సందర్భంగా మాట్లాడారు. ఇది ఆయన లాంటి విఖ్యాత దర్శకుడు ప్రజావేదికపై మాట్లాడి తన పరువు ప్రతిష్ఠ పై మాయని మరక వేసుకున్నారు. 250కి పైగా సినిమాలు. 50 ఏళ్ల కేరీర్. బహుబాషలు. బహు ప్రాంతాలు. విభిన్న సంస్కృతుల మద్య పెరిగిన అనుభవం. భిన్న వయసులో బహుముఖ పాత్రలు. చిన్నపాప నుంచి సూపర్ స్టార్‌ హీరోయిన్‌ వరకు 250 చిత్రాలు. అర్థశతాబ్ధం పాటు సుధీర్ఘ ప్రస్థానం.
ఎవరూ ఆమెపై చెడుగా మాట్లాడింది లేదు. ఆమె మరొకరికి గుఱించి చెడుగా చెప్పింది లేదు. ఒకరికి హాని చేసిందన్న నిందలేదు. కానీ 50 ఏళ్ల కేరీర్ లో ఆమెను ఇబ్బంది పెట్టింది మాత్రం దిగ్ధర్శకుడు రాజమౌళి వ్యవహారం మాత్రమే. అదీ బృహత్తర బాహుబలి విజయోత్సవం సంధర్భంగా ఆయన చెప్పిన సందర్భమే.
రమ్యకృష్ణ నటించిన శివగామి పాత్రలో శ్రీదేవిని నటింప చేయాలని రాజమౌళి భావించారట. కానీ అది వీలు కాలేదు. ఇలా ఎందుకు జరిగిందన్న దానిపైనే రాజమౌళి శ్రీదేవిని ఒక దురాశాపరురాలి గా అమానవీయంగా ప్రవర్తించినట్లు ప్రచారం చేశారు. ఆమె 10 కోట్లు డిమాండ్ చేశారని, తన కోసం తన పరివారం కోసం ఒక హోటల్ మొత్తం ప్రత్యేకించాలని అన్నారని, తమ కోసం 10 విమాన టికెట్లు ఏర్పాటు చేయమన్నట్లు ఆమెపై తీవ్రస్థాయిలో ఆరోపణలు చేశారు. రాజమౌళి కూడా ఒక ఇంటర్వ్యూ లో బహిరంగంగా శ్రీదేవిపై నిందలేయడం ఆమెను కలవరపాటుకు గురిచేసింది.
ఇటీవల ఒక తెలుగు వార్తా చానల్‌కు ఇచ్చిన ఇంటర్వ్యూలో ఆఖరికి ఆమె దీనిపై క్లారిటీ ఇచ్చారు. ఆమె ఏమన్నారంటే ఆమె మాటల్లోనే!
శ్రీదేవి సుధీర్ఘ సినీజీవితంలో ఎప్పుడూ పడని నీలాపనిందలను బాహుబలి సమయంలో ఎదుర్కొన్నారు. చిత్రపరిశ్రమలో ఇలా చాలా కారణాల వల్ల చాలా మంది నటులు కొన్ని చిత్రాల్లో నటించకుండా ఉండడం సహజమే కానీ బాహుబలి ప్రచారానికి ఒక ఊపు, ఒక హైప్‌, ఒక రూపు తీసుకురావటం కోసం శ్రీదేవి పై ప్రతికూలంగా తనను ఒక విలన్ గా చిత్రీకరించే విధంగా ప్రచారం చేశారన్న విమర్శ కూడా ఉంది.