శ్రీరెడ్డి విషయంలో..హీరో విశాల్ ఫైర్!
టాలీవుడ్ లో క్యాస్టింగ్ కౌచ్ జరుగుతుందని పెను సంచలనాలు రేపిన నటి శ్రీరెడ్డి అప్పట్లో శ్రీరెడ్డి లీక్స్ అంటూ కొంత మంది సెలబ్రెటీల ఫోటోలు లీక్ చేసి తెగ హడావుడి చేసింది. అయితే ఆమె చేస్తున్న పోరాటానికి అనూహ్య మద్దతు వచ్చినప్పటికీ పవన్ కళ్యాన్ ని పర్సనల్ గా దూశించడంతో ఆమె పోరాటానికి విఘాతం కలిగింది. అంతే కాదు శ్రీరెడ్డిని పట్టించుకునే నాధుడే లేకుండా పోయారు. దాంతో ఆమె ఇంటి నుంచే సోషల్ మాద్యమాల్లో వివాదాస్పద పోస్ట్ లు పెడుతూ వస్తుంది.
ఇక తెలుగు లోనే కాకుండా కోలీవుడ్ లో సైతం ప్రకంపణలు సృష్టిస్తుంది. ఈ నేపథ్యంలో దర్శకుడు మురుగదాస్, రాఘవ లారెన్స్, శ్రీకాంత్ ఇలా వరుసగా తమిళ సెలబ్రెటీల గురించి శ్రీరెడ్డి సోషల్ మీడియాలో సంచలన పోస్టులు పెడుతోంది. తాను కోలీవుడ్ లో చీకటి కోణాల్ని వెలుగులోకి తీసుకురావాలని భావిస్తున్నట్లు పేర్కొంది.
కాగా, తమిళ చిత్ర పరిశ్రమలోని చీకటి కోణాలని బయట పెట్టాలని భావిస్తున్నా. కానీ నటుడు విశాల్ నుంచి నాకు ముప్పు పొంచి ఉంది అని శ్రీరెడ్డి వ్యాఖ్యానించింది. అయినా, కోలీవుడ్ లోని చీకటి కోణాలను బయటకు తీస్తాను’ అని పేర్కొన్నారు. ఇటీవల విశాల్ శ్రీరెడ్డి వైఖరిని తీవ్రంగా ఖండించిన విషయం తెలిసిందే. అందరి పేర్లపై నేరుగా ఆరోపణలు చేయడం సరికాదని, ఏవైనా ఆధారాలు ఉంటే బయటపెట్టాలని ఆయన శ్రీరెడ్డిని ఉద్దెశించి వ్యాఖ్యానించారు.
ఇదిలా ఉంటే..ఎవరిపై ఆమె ఆరోపణలు చేసిందో .. వాళ్లు స్పందించాలని టి.రాజేందర్ అనడంతో విషయం మరింత వేడెక్కింది. దాంతో శ్రీరెడ్డి విషయానికి ఫుల్ స్టాప్ పెట్టడానికి రంగంలోకి దిగాలని విశాల్ నిర్ణయించుకున్నట్టుగా సమాచారం. ఎవరిపై అయితే శ్రీరెడ్డి ఆరోపణలు చేసిందో .. వాళ్లతో మాట్లాడిన తరువాత ప్రెస్ మీట్ పెట్టాలని విశాల్ భావిస్తున్నాడట. ఏదైనా సమస్యపై దృష్టిపెడితే పరిష్కరించేవరకూ విశాల్ వదలడనే పేరుంది.