మరోసారి వాయిదా పడ్డ ‘టాక్సీవాలా’!
టాలీవుడ్ లో ఈ మద్య వస్తున్న యంగ్ హీరోల్లో కేవలం మూడు సినిమాతోనే స్టార్ హీరోల లీస్ట్ లోకి వెళ్లాడు విజయ్ దేవరకొండ. ‘పెళ్లి చూపులు’,‘అర్జున్ రెడ్డి’,‘గీత గోవిందం’ వరుస విజయాలు సాధించాయి. గీతాగోవిందం సినిమా అయితే ఏకంగా వంద కోట్ల క్లబ్ లో చేరింది. ప్రస్తుతం విజయ్ దేవరకొండ నటిస్తున్న సినిమాపై భారీ అంచనాలు పెరిగిపోతున్నాయి..ఈ నేపథ్యంలో గత నెల వచ్చిన ‘నోటా’ఫ్లాప్ టాక్ తెచ్చుకుంది. ప్రస్తుతం విజయ్ దేవరకొండ నటించిన ‘టాక్సీవాలా’రిలీజ్ కి సిద్దంగా ఉంది. వాస్తవానికి ఈ సినిమా గీతాగోవిందం, నోటా కన్నా ముందుగానే రావాల్సి ఉన్నా..కొన్ని టెక్నికల్ ఇబ్బందుల వల్ల వాయిదా పడుతూ వస్తుంది.
రాహుల్ సంకృత్యాన్ అనే నూతన దర్శకుడితో.. జిఏ2 పిక్చ‌ర్స్ మ‌రియు యు.వి. క్రియేషన్స్ సంయుక్తంగా ఈ సినిమాని నిర్మించారు. ఇప్పటి వరకు పడుతూ వస్తున్న వాయిదాల అనంతరం నవంబర్ 16న విడుదల చేస్తున్నట్టు చిత్ర నిర్మాతలు అఫీషియల్‌గా ప్రకటించారు. అయితే మరోసారి ఈ చిత్రాన్ని వాయిదా వేస్తూ.. కొత్త విడుదల తేదీని ప్రకటించారు. విడుదల తేదీ ద‌గ్గ‌ర ప‌డుతుండ‌టంతో సినిమా ప్ర‌మోష‌న్‌లో కూడా వేగం పెంచేసారు ద‌ర్శ‌క నిర్మాతలు. ఇప్ప‌టికే విడుద‌లైన మాటే విన‌దుగా పాట బాగానే వైర‌ల్ అవుతుంది. ఇక విజయ్ కూడా ప్ర‌మోష‌న్‌తో బిజీ అయిపోయాడు.
తాజాగా ఈ సినిమా మరోసారి వాయిదా పడింది. మాస్ రాజా రవితేజ, శ్రీను వైట్ల కాంబో మూవీ ‘అమర్ అక్బర్ ఆంటోని’ సినిమా అదే రోజు (నవంబర్ 16) విడుదల కానుండటంతో థియేటర్స్ సర్ధుబాట్లు ఇతరత్రా రిలీజ్ సమస్యల్ని దృష్టిలో పెట్టుకుని ఒక్కరోజు వెనక్కి తగ్గి.. నవంబర్ 17న ‘టాక్సీవాలా’సినిమా విడుదల చేస్తున్నట్లు ప్రకటించారు విజయ్ దేవరకొండ.
ఈ సందర్భంగా ‘టాక్సీవాలా’ కొత్త రిలీజ్ డేట్ పోస్టర్‌ను విడుదల చేస్తూ.. ‘టాక్సీవాలా కొత్త విడుదల తేదీ ఇదిగో.. డ్రైవర్ ఒకరోజు లేట్‌గా వస్తున్నాడు కాని.. మీకు ఆ డ్రైవర్ ఫుల్ ఫన్ రైడ్ ఇవ్వడం గ్యారంటీ’ అంటూ ట్వీట్ చేశారు. సస్పెన్స్ సైంటిఫిక్ థ్రిల్లర్‌గా తెరకెక్కిన ఈ సినిమాలో విజయ్ దేవరకొండ, ప్రియాంక జవాల్కర్, మాళవికా నాయర్, కళ్యాణి, మధునందన్, సిజ్జు మీనన్, రవి ప్రకాష్, రవి వర్మ, ఉత్తేజ్, విష్ణు తదితరులు నటించారు.
Release date announcement -#Taxiwaala will now arrive Nov 17!Driver arriving a day late, but driver promises a fun ride to the destination! pic.twitter.com/BRuOBmwxL7— Vijay Deverakonda (@TheDeverakonda) November 4, 2018