ఎంత ఘాటు ట్రైలరో.. ఒక్కరోజులోనే 30 లక్షల వ్యూస్..
ఓవియా.. తమిళంలో ఈ పేరొక సంచలనం.. బిగ్ బాస్ షో ద్వారా పాపులర్ అయిన ఈ హీరోయిన్ ఇప్పుడు తమిళంలో 90 ఎం ఎల్ అనే సినిమా చేస్తోంది. తాజాగా ఈ సినిమా ట్రైలర్ విడుదలై సంచలనం సృష్టిస్తోంది. విడుదలైన ఒక్క రోజులోనే 3 మిలియన్ల వ్యూస్ సొంతం చేసుకుంది.
సాధారణంగా బిగ్ హీరోల ట్రైలర్స్ కే ఈ స్థాయి క్రేజ్ ఉంటుంది. అలాంటిది ఈ చిన్న సినిమాకు కూడా ఈ స్థాయి వ్యూస్ రావడం సంచలనమే. ఈ వ్యూస్ కు ఓవియా క్రేజ్ ఓ కారణమైతే.. ట్రైలర్ లో దట్టించిన మసాలా కూడా మరో కారణంగా చెప్పుకోవచ్చు.
అడల్డ్ కంటెంట్తో వస్తున్న ఈ సినిమా ట్రైలర్ ఆ స్థాయికి తగ్గట్టుగానే ఉంది. ఏకంగా సినిమా పేరే 90 ఎంఎల్ కావడంతో మరి కంటెంట్ అంతకుమించి ఎలా ఆశిస్తాం. లిప్ టు లిప్పు కిస్సులు.. శృంగార సన్నివేశాలు బాగా కూర్చి ఈ ట్రైలర్ రిలీజ్ చేశారు.
అయితే ఈ ట్రైలర్ పై విమర్శలు కూడా ఈ స్థాయిలోనే వస్తున్నాయి. ఓవియాకు మంచి క్రేజ్ ఉందని.. ఆ క్రేజ్ ను ఇలాంటి సినిమాకు ఉపయోగిస్తారా అని ఆమె అభిమానులు కూడా నిరసిస్తున్నారు. ఓవియా.. మిమ్మల్ని చాలామంది అభిమానించి అనుసరిస్తారు..మీరు ఇలాంటి సినిమాలు చేస్తారా అని ప్రశ్నిస్తున్నారు.. ఓవియా మాత్రం సినిమా చూడకుండా అప్పుడే జడ్జ్ చేయకండని సలహా ఇస్తోంది.