బాలకృష్ణ 105వ సినిమా లేటెస్ట్ అప్ డేట్స్
టాలీవుడ్ సూపర్ స్టార్స్ లో నందమూరి బాలకృష్ణ ఒకరు. డైలాగ్స్ ను మాసివ్ మూడ్ లో చెప్పడం బాలయ్య స్పెషల్. లెంగ్తీ డైలాగ్స్ ను తనదైన స్టైల్ లో చెప్పే డైలాగ్స్ అభిమానులకు ఖుషీ చేస్తూంటాయి. సంక్రాంతికి ఎన్టీఆర్ – కథానాయకుడు, మహానాయకుడుగా వచ్చిన బాలయ్య ప్రస్తుతం కేఎస్.రవికుమార్ దర్శకత్వంలో నటిస్తున్నాడు. ఇటివలే ఈ సినిమా థాయిలాండ్ షెడ్యూల్ ను పూర్తిచేసుకుని హైదరాబాద్ లో ల్యాండ్ అయింది.
వినాయకచవితి సందర్భంగా ఈ సినిమాలోని బాలయ్య స్టిల్స్ ను చిత్ర నిర్మాణ సంస్థ సీకే ఎంటర్టైన్ మెంట్స్ తన అఫీషియల్ ట్విట్టర్ అకౌంట్ లో రిలీజ్ చేసింది. టైటిల్ ఇంకా కన్ఫర్మ్ కాకపోయినా ‘రూలర్’ అనే టినెటివ్ టైటిల్ తో ఈ సినిమా రూపొందుతోంది. బాలయ్య స్టైలిష్ గెడ్డంతో ఇటివల రిలీజైన స్టిల్ కు మంచి రెస్పాన్స్ వచ్చింది. అదే లుక్ లో హెలీకాఫ్టర్ లో దిగుతున్న స్టిల్ ను, హీరోయిన్ సోనాల్ చౌహాన్ తో ఓ సాంగ్ కు సంబంధించిన లుక్ ను సంస్థ రివీల్ చేసింది. బాలయ్య ఈ పిక్స్ లో కాస్త స్లిమ్ గా కనిపిస్తున్నాడు. ఎన్టీఆర్.. సినిమాలో బాలయ్య లుక్స్ కు నెగటివ్ టాక్ రావడంతో ఈసారి బాలయ్య తన లుక్ పై కాస్త దృష్టిపెట్టినట్టున్నాడు. సినిమాలో ఓ లుక్ కోసం బాలయ్య రోజూ 5గంటల పాటు జిమ్ లో కసరత్తులు చేస్తున్నాడని సమాచారం.
బాలకృష్ణ డ్యూయల్ రోల్ చేస్తున్న ఈ సినిమాలో సొనాల్ చౌహాన్, వేదిక హీరోయిన్లుగా నటిస్తున్నారు. సి.కల్యాణ్ నిర్మాణసారధ్యంలో ఈ సినిమా తెరకెక్కుతోంది. గౌతమీపుత్ర శాతకర్ణి, జై సింహ చిత్రాల తర్వాత చిరంతన్ భట్ మళ్లీ బాలయ్య సినిమాకు సంగీతం అందిస్తున్నారు. సెప్టెంబర్ 5నుంచి రామోజీ ఫిల్మ్ సిటీలో తర్వాతి షెడ్యూల్ జరుగనుంది.
Advance #HappyVinayakaChavithi
Second Schedule to start from September 5th at Ramoji Film City@Vedhika4u @prakashraaj @bhumikachawlat#KSRaviKumar @bhattchirantan @ProducerCKalyan @HaappyMovies pic.twitter.com/TWqH4ad98s— CK Entertainments (@CKEntsOffl) September 1, 2019