బీహార్ శాసనసభ ఎన్నికల్లో తలక్రిందులు కానున్న ఎగ్జిట్ పోల్స్ ఫలితాలు
దాదాపు అన్ని ఎగ్జిట్ పోల్స్ మహాకూటమే అధికారంలోకి వస్తుందని అంచనా వేశాయి. అయితే, ఫలితాలు అందుకు భిన్నంగా ఉన్నాయి. ప్రస్తుతం ఎన్డీఏ కూటమి ఆధిక్యంలో కొనసాగుతోంది. ఆర్జేడీ నేత తేజస్వీ యాదవ్ ముఖ్యమంత్రి కావాలని 44 శాతం మంది అభిప్రాయపడినట్టు ఎగ్జిట్ పోల్స్ పేర్కొన్నాయి. అయితే, లోక్నీతి-సీఎస్డీఎస్ సర్వే మాత్రం ఎన్డీయే మెజార్టీ సీట్లను దక్కించుకుంటుందని తెలిపింది. కానీ, లోక్ జనశక్తి, జీఎస్డీఎఫ్ కూటమి భారీగా ఓట్లు చీల్చే అవకాశాలున్నట్లు పేర్కొంది.
టైమ్స్ నౌ సీ ఓటర్ సర్వే బిహార్లో హంగ్ ఏర్పడుతుందని తేల్చింది. మహా కూటమికే స్వల్ప ఆధిక్యం దక్కుతుందని తెలిపింది. మహా కూటమి (ఆర్జేడీ, కాంగ్రెస్ కూటమి) 120 స్థానాల్లో, ఎన్డీయే కూటమి 116 స్థానాల్లో విజయం సాధిస్తుందని పేర్కొంది.
NDA: 116
Grand Alliance: 120
LJP: 1
ఇతరులు: 6
జన్ కీ బాత్ (Jan Ki Baat) సర్వే:
జన్ కీ బాత్ సర్వే కూడా హంగ్ ఏర్పడే అవకాశాలు లేకపోలేదని పేర్కొంది. మహా కూటమికే ఆధిక్యం దక్కుతుందని తెలిపింది. మహా కూటమి 118 నుంచి 138 స్థానాల్లో, ఎన్డీయే కూటమి 91 నుంచి 117 స్థానాల్లో విజయం సాధించే అవకాశం ఉందని పేర్కొంది. లోక్ జనశక్తి పార్టీ అభ్యర్థులు 5 నుంచి 8 స్థానాల్లో, ఇతరులు 3 నుంచి 6 స్థానాల్లో విజయం సాధించే అవకాశం ఉందని తెలిపింది.
NDA: 91-117
Grand Alliance: 118 - 138
LJP: 5 - 8
ఇతరులు: 3 - 6
ఇండియా టుడే (India Today) సర్వే:
ఇండియా టుడే సర్వే కూడా మహా కూటమికే అధికారం దక్కుతుందని తెలిపింది. సీఎం పదవి చేపట్టడానికి తేజస్వీ యాదవ్కు 44 శాతం, నితీశ్ కుమార్కు 35 శాతం, చిరాగ్ పాశ్వాన్కు 7 శాతం అవకాశం ఉందని తెలిపింది. ఇండియా టుడే సర్వే ప్రకారం.. ఆయా పార్టీలు గెలిచే సీట్ల సంఖ్య ఇలా ఉంది..
Grand Alliance: 120+
NDA: 116+
LJP: 1
ఇతరులు: 0
కొన్ని అనివార్య కారణాల వల్ల కౌంటింగ్ విషయంలో ఆలస్యం ఏర్పడటం వల్ల తుది ఫలితాలు విడుదల కోసం మరింత సమయం ఎదురు చూడాల్సిన పరిస్థితి ఏర్పడింది.