வருது... வருது... 3 தொகுதிகளுக்கு இடைத்தேர்தல்
சென்னை:
வருது... வருது... 3 தொகுதிகளுக்கு இடைத்தேர்தல் அக்டோபர் மாதம் வருது என்று தகவல்கள் வெளியாகி உள்ளது.
அட ஆமாங்க... நிறுத்தி வைக்கப்பட்ட தஞ்சாவூர், அரவக்குறிச்சி தொகுதிகளுக்கும் மற்றும் திருப்பரங்குன்றம் சட்டசபை தொகுதிக்கும் வரும் அக்டோபர் 2-வது வாரம் தேர்தல் நடைபெறலாம் என்று தெரிய வந்துள்ளது.
அதிகளவில் பணம் பட்டுவாடா செய்வதாக புகார்கள் வந்ததால் தஞ்சாவூர், அரவக்குறிச்சி ஆகிய 2 தொகுதிகளில் தேர்தல் ரத்து செய்யப்பட்டது. மேலும் தேர்தலில் வெற்றிப்பெற்ற நிலையில் திருப்பரங்குன்றம் அ.தி.மு.க. எம்.எல்.ஏ. சீனிவேல் காலமானதால் அத்தொகுதியும் காலியாக இருந்தது.
காலியாக உள்ள இந்த 3 தொகுதிகளுக்கும் 6 மாதங்களுக்குள் தேர்தல் நடத்தப்பட வேண்டும் என்பது விதி. எனவே வரும் நவம்பர் மாதத்துக்குள் தேர்தல் நடத்தி முடிக்க வேண்டும். இதையடுத்து தேர்தல் அதிகாரிகள் இதுகுறித்து ஆய்வு செய்து வருகின்றனராம்.
அக்டோபர் மாதம் 2-வது வாரம் இடைத் தேர்தலை நடத்தலாமா என்பது குறித்து யோசனையில் உள்ளனர். அக்டோபர் மாதம் ஆயுத பூஜை, மொகரம், தீபாவளி, கந்த சஷ்டி திருவிழாக்கள் தொடர்ச்சியாக வர உள்ளதால் அதற்கு ஏற்ப 3 தொகுதிகளின் இடைத்தேர்தல் தேதியை முடிவு செய்ய வேண்டிய நிலை தேர்தல் அதிகாரிகளுக்கு ஏற்பட்டுள்ளது.
எனவே இதுகுறித்து விரைவில் தகவல் வெளிவரலாம் என்று தெரிகிறது.