அதிகாலையிலேயே 50 பேரை அள்ளியது போலீஸ்... ஈவ்டீசிங்...
புதுடில்லி:
பல் தேய்ப்பார்களே... தேய்க்கமாட்டார்களே... கிண்டல் செய்ய புறப்பட்டு வந்து விடுகின்றனர். இதுபோன்ற ரோட்டோர ரோமியோக்கள் இன்று அதிகாலையில் அதிரடியாக கைது செய்யப்பட்டுள்ளனர்.
அதிகாலையில் வேலைக்கு செல்லும் பெண்களும், கல்லூரி மற்றும் பள்ளி மாணவிகள் ஈவ்- டீசிங் தொல்லைக்கு அதிகம் ஆளாகின்றனர் என்று தொடர்ந்து புகார்கள் வரவே... குருகிராம் பகுதியில் போலீசார் அதிரடியில் இறங்கினார்.
இன்று காலை மாறுவேடத்தில் அதிரடி ரோந்து பணியில் ஈடுபட்டனர்.
அப்போது ஈவ்-டீசிங்கில் ஈடுபட்டவர்களை போலீசார் அள்ளி போட்டனர். குருகிராம் பகுதியில் மட்டும் 2 மணிநேரத்தில் 50 பேர் கைது செய்யப்பட்டுள்ளனர் என்றால் பார்த்துக்கொள்ளுங்கள்.
அதிகாலையில் நடந்த இந்த கைது நடவடிக்கை டில்லி, அரியானா பகுதிகளில் பரபரப்பை ஏற்படுத்தி உள்ளது.