സുപ്രീം കോടതി നിശ്ചയിച്ച നഷ്ടപരിഹാര കമ്മിറ്റിയുടെ പ്രവര്ത്തനങ്ങള് അടുത്ത ആഴ്ച തുടങ്ങും. സമിതിയുടെ ആദ്യ യോഗം സമിതി ചെയര്മാന് ജസ്റ്റിസ് കെ. ബാലകൃഷ്ണന് നായരുടെ കൊച്ചിയിലെ വീട്ടില് വച് നടന്നു. പ്രിന്സിപ്പല് സെക്രട്ടറി ഉഷ ടൈറ്റസ്, ജില്ലാ കളക്ടര് എസ്. സുഹാസ് തുടങ്ങിയ ഉദ്യോഗസ്ഥര് യോഗത്തില് പങ്കെടുത്തു. സമിതിയ്ക്കായി ഓഫീസ് കെട്ടിടവും ജീവനക്കാരെയും ലഭ്യമാക്കി ഒരാഴ്ചയ്ക്കുള്ളില് പ്രവര്ത്തനം ആരംഭിക്കും. ഒരു വര്ഷത്തിനുള്ളില് നഷ്ടപരിഹാരം നല്കുന്ന പ്രക്രിയ പൂര്ത്തീകരിക്കാനാണ് ഉദ്ദേശിക്കുന്നതെന്ന് ജസ്റ്റിസ് കെ. ബാലകൃഷ്ണന് നായര് അറിയിച്ചു.
ജസ്റ്റിസ് കെ ബാലകൃഷ്ണന് നായരെ കൂടാതെ റിട്ടയേര്ഡ് ഐഎഎസ് ഉദ്യോഗസ്ഥനും റിട്ടയേര്ഡ് സിവില് എന്ജിനീയറും അടങ്ങുന്ന സമിതിയായിരിക്കും നഷ്ടപരിഹാരം നിശ്ചയിക്കുക. സുപ്രീം കോടതി നിശ്ചയിച്ച 25 ലക്ഷം രൂപ വരെയുള്ള തുകയാണ് ആദ്യ ഘട്ട നഷ്ടപരിഹാരമായി നിശ്ചയിച്ചിട്ടുള്ളത്.
Find Out More: