മരടിലെ ഫ്ലാറ്റ് ഉടമകൾക്ക് 25 ലക്ഷം നഷ്ടപരിഹാരം
മരടിലെ ഫ്ളാറ്റുകള് പൊളിക്കണമെന്ന വിധിയില്നിന്ന് അണുവിട പോലും പിന്നോട്ടു പോവില്ലെന്ന് സുപ്രീം കോടതി. എല്ലാ ഫ്ളാറ്റ് ഉടമകള്ക്കും 25 ലക്ഷം വീതം നിര്മാതാക്കള് നല്കണമെന്നും ഇതിനായി 20 കോടി കെട്ടിവെക്കണമെന്നും കോടതി നിര്ദേശിച്ചു. മരട് ഫ്ളാറ്റ് ഉടമകള്ക്ക് ആദ്യ ഘട്ട നഷ്ടപരിഹാരം ആയി 25 ലക്ഷം നല്കാന് സുപ്രീം കോടതി മുംമ്പ് തന്നെ ഉത്തരവ് ഇട്ടിരുന്നു. എന്നാല് തങ്ങള്ക്ക് 25 ലക്ഷം നല്കാന് ജസ്റ്റിസ് ബാലകൃഷ്ണന് നായര് സമിതി ശുപാര്ശ ചെയ്യുന്നില്ല എന്ന് ഫ്ളാറ്റ് ഉടമകള് കോടതിയില് ചൂണ്ടിക്കാട്ടി. വില്പ്പന കരാറില് തുക കുറച്ച് കാണിച്ചെങ്കിലും, ബാങ്ക് ലോണിനും മറ്റും വന് തുക തങ്ങള് ചെലവഴിച്ചിട്ടുണ്ട് എന്ന് ഫ്ളാറ്റ് ഉടമകള് വാദിച്ചു. രേഖകള് ഹാജരാക്കാന് തയ്യാറാണെന്നും ഉടമകള് വ്യക്തമാക്കി.