നിയമം നടപ്പാക്കാതിരിക്കാന് ഒരു സംസ്ഥാനത്തിനും സാധിക്കില്ലെന്ന് പ്രധാനമന്ത്രി പറഞ്ഞു.
പൗരത്വ നിയമ ഭേദഗതിക്കെതിരായി നിലപാടെടുത്ത മുഖ്യമന്ത്രിമാര്ക്കെതിരെ പ്രധാനമന്ത്രി നരേന്ദ്ര മോദി. നിയമം നടപ്പാക്കാതിരിക്കാന് ഒരു സംസ്ഥാനത്തിനും സാധിക്കില്ലെന്ന് പ്രധാനമന്ത്രി പറഞ്ഞു.
ഡല്ഹി രാംലീല മൈതാനിയില് നടന്ന ബിജെപി റാലിയില് സംസാരിക്കുകയായിരുന്നു അദ്ദേഹം.
തങ്ങളുടെ സംസ്ഥാനങ്ങളില് പൗരത്വ ഭേദഗതി നിയമം നടപ്പാക്കില്ലെന്ന് ചിലര് പറയുന്നു. ഇത് സാധ്യമാണോ എന്ന് നിയമവിദഗ്ധരോടോ അഡ്വക്കേറ്റ് ജനറലിനോടോ ചോദിച്ചുനോക്കട്ടെ.
മുഖ്യമന്ത്രിമാര്ക്ക് സത്യപ്രതിജ്ഞാ ലംഘനം നടത്താനാവില്ല, പ്രധാനമന്ത്രി അഭിപ്രായപ്പെട്ടു .
പൗരത്വ ബില് നടപ്പാക്കില്ലെന്ന് കേരള മുഖ്യമന്ത്രി പിണറായി വിജയന് അടക്കമുള്ള മുഖ്യമന്ത്രിമാര് വ്യക്തമാക്കിയിരുന്നു. പൗരത്വ ഭേദഗതി നിയമം മതാടിസ്ഥാനത്തില് ജനങ്ങളെ വേര്തിരിക്കുന്നതാണെന്നും ഭരണഘടനയുടെ അടിസ്ഥാന തത്വങ്ങള്ക്ക് വിരുദ്ധമാണെന്നും ചൂണ്ടിക്കാട്ടിയായിരുന്നു ഇത്.
പിണറായിയെ കൂടാതെ പശ്ചിമബംഗാള് മുഖ്യമന്ത്രി മമതാ ബാനര്ജി, പഞ്ചാബ് മുഖ്യമന്ത്രി അമരീന്ദര് സിങ്, മധ്യപ്രദേശ് മുഖ്യമന്ത്രി കമല്നാഥ് എന്നിവരും നിയമം നടപ്പാക്കില്ലെന്ന് വ്യക്തമാക്കിയിരുന്നു.