ఉద్యోగులకు భలే ఛాన్స్ లే .. అన్ని రాయితీలే
ఇటీవల విజయవాడలో జరిగిన కమిటీ సమావేశంలో చర్చించిన ముసాయిదా కార్యాచరణ ప్రణాళిక ఈ మేరకు ఖరారైంది. ఉద్యోగులందరికీ వారు మారడానికి ముందే విశాఖపట్నం వద్ద 200 చదరపు గజాల ఇంటి స్థలాలను నామమాత్రపు రేటుకు కేటాయించారు. అనుమతి పొందిన డిజైన్లతో కొత్త ఇళ్ల నిర్మాణానికి, రిజిస్ట్రేషన్ కోసం స్టాంప్ డ్యూటీ చెల్లించకుండా మినహాయింపు ఇవ్వడానికి ప్రతి ఒక్కరికి 25 లక్షల రూపాయల ప్రత్యేక గృహనిర్మాణ భత్యం (హెచ్బిఎ) ఇవ్వబడుతుంది. ఇళ్ళు నిర్మించే వరకు, ప్రభుత్వం ఉద్యోగులకు నివాస సదుపాయాన్ని ఏర్పాటు చేస్తుంది.
బాచిలర్లకు అద్దె రహిత వసతి లభిస్తుంది. కుటుంబాలు ఉన్నవారికి డబుల్ బెడ్ రూమ్ ఫ్లాట్లలో నెలకు 4,000 రూపాయల సబ్సిడీ అద్దెకు వసతి కల్పిస్తారు. ఉన్నత అధికారులకు మూడు పడకగదుల ఫ్లాట్లలో 6,000 రూపాయల చొప్పున వసతి కల్పిస్తారు. ఉద్యోగులకు క్లాస్ IV ఉద్యోగులకు ఒక్కొక్కరికి రూ .50 వేల నుండి గెజిటెడ్ ఉద్యోగులకు గరిష్టంగా లక్ష రూపాయల వరకు షిఫ్టింగ్ భత్యం ఇవ్వబడుతుంది. చంద్రబాబు అధికారం కోల్పోయి వైసీపీ అధినేత వైఎస్ జగన్ అధికారం చేపట్టారు. కొన్ని రోజులకే అమరావతిపై నీలినీడలు కమ్ముకున్నాయి. అసలు రాజధాని నిర్మాణానికి అమరావతి అనుకూలం కాదన్న వాదన తెరపైకి వచ్చింది. దీంతో రాష్ట్ర ప్రజల్లో కలవరం మొదలైంది. ఈ క్రమంలోనే వైసీపీ నేతలు కూడా రాజధాని మార్పు గురించి మాట్లాడారు. అదీకాక.. ఈ మధ్య కేంద్ర ప్రభుత్వం విడుదల చేసిన ఆంధ్రప్రదేశ్ మ్యాప్లో రాజధాని లేదు. అమరావతి అని గతంలో ప్రకటించినా.. మ్యాప్లో గుర్తించలేదు. దీంతో రాజధాని మార్పు ఉంటుందని ప్రజలు ఓ నిర్ధారణకు వచ్చారు. ఇదే సమయంలో.. ఏపీ రాజధాని వ్యవహారాన్ని తేల్చేందుకు, ఆంధ్రప్రదేశ్ సమగ్రాభివృద్ధికి సంబంధించి సీఎం జగన్ జీఎన్ రావు నేతృత్వంలో నిపుణుల కమిటీని ఏర్పాటు చేశారు. ఈ కమిటీ ప్రజాభిప్రాయం మేరకు కార్యాచరణ ప్రణాలికను ఖరారు చేశారు.