కరోనాను కట్టడి చేయడం ఎలా.. ఇప్పుడు అందరి ఆలోచన ఇదే. తెలుగు రాష్ట్రాల్లోనూ కరోనా కేసులు పెరుగుతున్న నేపథ్యంలో తమకు కరోనా రాకుండా ఎలా జాగ్రత్తపడాలా అని జనం ఆలోచిస్తున్నారు. ఇందుకు అత్యుత్తమ మార్గం.. శానిటైజర్ వాడటమే.. అప్పుడప్పుడు శానిటైజర్ తో చేతులు శుభ్రం చేసుకుంటే చాలా వరకూ కరోనా సోకకుండా జాగ్రత్త పడవచ్చు.
కానీ మార్కెట్లో దొరికే శానిటైజర్ చాలా ఖరీదుగా ఉంటోంది. అందులోనూ శానిటైజర్ల కోసం జనం ఎగబడటంతో స్టాకు కూడా ఉండటం లేదు. అయితే.. ఈ పరిస్థితుల్లో ఇంట్లోనే సులువుగా అతి తక్కువ ఖర్చుతో శానిటైజర్ తయారు చేసుకునే విధానం కోసం సామాన్యులు ఆసక్తి చూపుతున్నారు.
ప్రపంచ ఆరోగ్య సంస్థ(WHO) ఫార్ములా ప్రకారం రూ.20తోనే 200 మి.లీ.శానిటైజర్ తయారు చేసుకోవచ్చు. శానిటైజర్ తయారీకి వినియోగించే ద్రావణాలు హైదరాబాద్, అబిడ్స్ తిలక్రోడ్లోని ల్యాడ్ కెమికల్స్ అమ్మే దుకాణాల్లో లభిస్తాయి. బేగంబజార్లో ప్లాస్టిక్ స్ప్రే బాటిళ్లు దొరుకుతాయి.
ఇప్పడు శానిటైజర్ ఎలా చేసుకోవాలో చూద్దాం..
200 మిల్లీ లీటర్ల శానిటైజర్ తయారీకి అవసరమైనవి
ఐసోప్రొపైల్ ఆ్కహాల్ –100 మి.లీ.
హైడ్రోజన్ పెరాక్సైడ్ – టేబుల్ స్పూన్
స్వచ్ఛమైన నీరు –90 మి.లీ.
గ్లిజరిన్/గ్లిజరాల్ – టేబుల్ స్పూన్
ముందుగా 100 మి.లీ ఐసోప్రొపైల్ ఆ్కహాల్ను ఒక పాత్రలో తీసుకోవాలి. దీనికి టేబుల్ స్పూన్ చొప్పున గ్లిజరిన్, హైడ్రోజన్ పెరాక్సైడ్ కలపాలి. దీనికి 90 మి.లీ శుద్ధమైన నీరు పోయాలి. ఈ మిశ్రమాన్ని బాగా కలిపితే, శానిటైజర్ తయారు. ఇంట్లో వాడేసిన ఖాళీ స్ప్రే బాటిల్ లేదా ప్లాస్టిక్ బాటిల్లో పోసి, ఎప్పటికప్పుడు చేతుల్ని శుభ్రంగా కడుగడానికి శానిటైజర్గా వాడుకోవచ్చు.
మరింత సమాచారం తెలుసుకోండి: