કેન્દ્ર સરકારે આ ઓફિસરોને આપ્યો કોરોનાને લઇને ઝટકો
દેશમાં કોરોના મહામારીની અર્થવ્યવસ્થા ઉપર મોટી અસર પડી છે તેને ધ્યાનમાં રાખી કેન્દ્ર સરકારે ગુરુવારે એક મોટો નિર્ણય લીધો છે. કેન્દ્રીય કર્મચારી અને પેન્શનરોને મળવા પાત્ર મોંઘવારી ભથ્થાને જુલાઈ 2021 સુધી અટકાવી દીધું છે. જોકે, જુના સરકાર જુના રેટ મુજબ મોઘવારી ભથ્થું આપતી રહેશે. એટલે કે તાજેતરમાં જે વધારો કરવામાં આવ્યો છે તે હવે લાગુ પડશે નહીં.
નાણાં મંત્રાલયે ગુરુવારે કહ્યું કે કેન્દ્રીય કર્મચારીઓને 1 જાન્યુઆરી 2020થી મળનાર મોંઘવારી ભથ્થાની વધારાના ભાગની ચૂકવણી કરવામાં આવશે નહીં. આ મુજબ કેન્દ્ર સરકારે પેન્શનરોને પણ 1 જાન્યુઆરી 2020થી આપવામાં આવતા મોંઘવારી રાહત ભથ્થાની ચૂકવણી ન કરવાનો નિર્ણય કર્યો છે.
નાણાં મંત્રાલયે કહ્યું કે 1 જુલાઈ 2020 અને 1 જાન્યુઆરી 2021થી આપવામાં આવતા મોંઘવારી ભથ્થા અને મોંઘવારી રાહત ભથ્થાની ચૂકવણી નહીં કરાય. આ રીતે કેન્દ્ર સરકારના કર્મચારીઓ અને પેન્શનરોને જૂન 2021 સુધી મોંઘવારી ભથ્થાની ચૂકવણી નહીં કરાય. સરકાર દરેક છ મહિનાના અંતર મોંઘવારી ભથ્થામાં ફેરફાર કરે છે. ફેરફાર પછી જ મોંઘવારી ભથ્થાની ચૂકવણી દર વર્ષે 1 જાન્યુઆરી અને 1 જુલાઈના રોજ કરાય છે. મોંઘવારી ભથ્થુ ન આપવાના નિર્ણયની અસર એક કરોડથી વધારે કેન્દ્રીય કર્મચારી અને પેન્શનરો ઉપર પડશે. આમાં 50 લાખ પેન્શનરોનો સમાવેશ થાય છે.