బద్వేలు : వీర్రాజు చేసేదేంలేకే అరుస్తున్నారా ?
ఇక ఇప్పుడు బద్వేల్లో ఆ పార్టీకి కనీసం చాలా బూత్ లలో కూడా ఏజెంట్లు లేని దుస్థితి. అయితే అదే జిల్లాకు చెందిన మంత్రి ఆదినారాయణ రెడ్డి రంగంలోకి దిగి.. తనకు టీడీపీలో పరిచయం ఉన్న నేతలను బతిమి లాడో లేదా వాళ్లకు ఏవో పైసలు పడేసో కనీసం ఏజెంట్లను అయినా పెట్టారు. అదే వీర్రాజు మీద ఈ ఎన్నికల భారం పెట్టి ఉంటే ఆయన టాలెంట్ కు కనీసం బూత్ ఏజెంట్లు , కౌంటింగ్ ఏజెంట్లు కూడా దొరికే వారు కాదనే చెప్పాలి. అది ఏపీ బీజేపీ అధ్యక్షుడిగా మన వీర్రాజు దమ్ము.
ఇక పదే పదే బద్వేల్లో వైసీపీ అక్రమాలు చేస్తోందని అరవడం తప్పా ఆయన ప్రచారానికి వెళుతుంటే పట్టుమని పది మంది కూడా ఆయన వెనకాల రావడం లేదు. అసలు ఆయన్ను అక్కడ పట్టించుకునే వారే లేకుండా పోయారు. కనీసం డిపాజిట్లు కూడా వస్తాయో రావో తెలియదు. వీర్రాజు సంగతి ఎలా ఉన్నా మాజీ మంత్రి ఆదినారాయణ మాత్రం గౌరవ ప్రదమైన ఓట్లు కోసం తాపత్రయ పడుతున్నారు.