గౌతమ్ రెడ్డి : ఆ ఇద్దరు మంత్రులూ ఇకనైనా మారుతారా?
ఏపీ సర్కారులో బూతులకు కేరాఫ్ గా నిలిచే కొడాలి నాని కానీ సీదిరి అప్పల్రాజు కానీ ఇవాళ ఆయన్ను చూసి నేర్చుకోవాల్సింది ఎంతో!చీటికీ మాటికీ రంకెలేసే మంత్రులుగా పేరున్న ఆ ఇద్దరూ తమ వ్యవహార శైలిని మార్చుకోవాలంటే ఒక్కసారి నిన్నటి వేళ మరణించిన వ్యక్తి వ్యవహార శైలిని జ్ఞప్తికి తెచ్చుకుని నడుచుకోవాల్సిందే! ఇదే సందర్భంలో మంత్రులంటే బూతులు మాట్లాడేందుకు, పోలీసు అధికారుల కాలర్ పట్టుకునేందుకే కాదని హుందాగా వ్యవహారించాల్సిన ఆవశ్యకత ఎంతైనా ఉందని ఎన్నో సార్లు నిరూపించిన మేకపాటి గౌతమ్ రెడ్డి మన మధ్య ఇవాళ లేకపోయినా, ఆయన ఆచరించిన విలువలు కానీ ఆయన ఆచరించి చూపిన ఉన్నత వ్యక్తిత్వంకు సంబంధించిన వ్యవహార శైలి కానీ ఆ ఇద్దరే కాదు ఎవ్వరైనా నేర్చుకోవాల్సిందే! అధికారం ఉన్నా లేకపోయినా కూడా అదే హుందాతనంతో వైసీపీ నాయకులందరి కన్నాఆఖరికి ముఖ్యమంత్రి జగన్ మోహన్ రెడ్డి కన్నా హుందాగా ఉండే నేత ఆయనేనని ఇది కాదనలేని వాస్తవం అని అంటున్నారు పరిశీలకులు.