సలాం సైనికా... ఆ ఒక్కడే రష్యా సైనికులను వణికించాడు?

VAMSI
రష్యా మరియు ఉక్రెయిన్ యుద్ధం లో ఇప్పటి వరకు 3500 మంది వీర మరణం పొందినట్లు తెలుస్తోంది. అయితే ఇక్కడ పూర్తి ఆధిపత్యం మాత్రం రష్యా ది అని చెప్పాలి. ఎందుకంటే మూడు రోజుల నుండి ఎడ తెరిపి లేకుండా రష్యా సైనికులు ఉక్రెయిన్ దేశంలోకి చొర బడి ఊచకోత కోస్తున్నారు. ఈ యుద్ధం లో ఎవరు మాకు సాయం చేసినా చేయక పోయినా ఆఖరి రక్తపు బొట్టు వరకు రష్యాతో పోరాటం చేసే తీరుతామని ఇప్పటికే ఉక్రెయిన్ అధ్యక్షుడు జెలెన్ స్కీ చెప్పిన విషయం తెలిసిందే. అధ్యక్షుడు ఇచ్చిన ఇదే స్పూర్తితో ప్రతి ఒక్క సైనికుడు రష్యా తో పోరాడుతున్నారు. రష్యా కన్నా తమ బలం తక్కువ అయినా ఎక్కడా వెనక్కు తగ్గకుండా ఎదురుపోరాడుతున్నారు.

అయితే ఒక ఉక్రెయిన్ సైనికుడు మాత్రం తమపై అధ్యక్షుడు పెట్టుకున్న నమ్మకాన్ని వమ్ము చేయకుండా పోరాడి అసువులు బాశాడు. యుద్ధంలో భాగంగా రష్యా సైనికులు ఉక్రెయిన్ లోని క్రిమియా నగరం వైపు దూసుకొస్తుండగా, అదే సమయంలో సమీపంలో ఉన్న ఉక్రెయిన్ సైనికులు వారిని ఎదుర్కొనేందుకు అప్రమత్తం అయి ఉన్నారు. రష్యా ఎదురు కాల్పులు జరిపినా ఆ సైనికులు వెనక్కు తగ్గలేదు. అయితే క్రిమియా నగరం లోకి రావడానికి అక్కడ ఉన్న బ్రిడ్జి ఒకటే దారి. అందుకే ఒక సైనికుడు ఒక ప్లాన్ వేశాడు. ఎలాగైనా ఆ బ్రిడ్జి ను కూల్చేయాలని అనుకున్నాడు. అనుకున్న విదంగానే ఆ సైనికుడు ఆ బ్రిడ్జి పైకి వెళ్లి వంతెన కూల్చడానికి బాంబులు అమర్చాడు .

కానీ వెనక్కు వెళ్ళడానికి కుదరక తానను తానే పేల్చుకున్నాడు అని సైనికులు చెబుతున్నారు. అయితే ఇంతటి ప్రాణ త్యాగానికి సిద్ధ పడిన విటాలి స్కాకున్ వోలోడిమినిరోచ్ కు ఉక్రెయిన్ దేశమంతా సలాం చేస్తోంది. ఇప్పుడు ఈ సాహసోపేతమైన చర్యను ప్రపంచం కొనియాడుతోంది.
మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

RUSSIA-UKRAINE-WAR

సంబంధిత వార్తలు: