രാഷ്ട്രീയ പ്രമേയത്തിന് പാർട്ടി കോൺഗ്രസിന്റെ അംഗീകാരം! ഓ
രാഷ്ട്രീയ പ്രമേയത്തിന് പാർട്ടി കോൺഗ്രസിന്റെ അംഗീകാരം! ഓരോ പ്രദേശത്തും പ്രാദേശിക സഖ്യങ്ങൾ അതാത് സമയത്ത് തീരുമാനമെടുക്കാൻ സാധിക്കും. പാർട്ടി കോൺഗ്രസിൽ പ്രമേയത്തിൽ വോട്ടെടുപ്പും നടന്നു. നാല് പേർ പ്രമേയത്തെ എതിർത്ത് വോട്ട് ചെയ്തു. കരട് രാഷ്ട്രീയ പ്രമേയത്തിൽ ചർച്ച പൂർത്തിയാക്കിയിരുന്നു. ദേശീയ തലത്തിൽ കോൺഗ്രസുമായി രാഷ്ട്രീയ സഖ്യമില്ലെന്ന രാഷ്ട്രീയ പ്രമേയത്തിന് സിപിഎം പാർട്ടി കോൺഗ്രസിൽ അംഗീകാരം. ബിജെപിക്കെതിരെ ദേശീയ തലത്തിൽ വിശാല കൂട്ടായ്മ എന്ന നിർദ്ദേശം സിപിഎം പാർട്ടി കോൺഗ്രസ് രണ്ട് ദിവസം ചർച്ച ചെയ്തിരുന്നു.
അത്തരത്തിലൊരു കൂട്ടായ്മ നയത്തിന്റെ അടിസ്ഥാനത്തിൽ ആയിരിക്കണം എന്ന വാദവും പാർട്ടി കോൺഗ്രസിൽ ഉയർന്നു. പാർട്ടിയിൽ കേരള ഘടകത്തിന് ലഭിക്കുന്ന സ്വീകാര്യതയുടെ സൂചനയായി കേരളാ ബദൽ എന്ന നിർദ്ദേശവും ഉയർന്ന് വന്നിരുന്നു. ഹിമാചൽ പ്രദേശ്, കർണാടക അടക്കമുള്ള സംസ്ഥാനങ്ങളിൽ നിന്നും ചർച്ചയിൽ പങ്കെടുത്തവരാണ് ഇത്തരത്തിൽ നിർദ്ദേശം മുന്നോട്ട് വച്ചിരിക്കുന്നത്. ചർച്ചയിൽ കേരളത്തിൽ നിന്നും പി രാജിവ്, ടിഎൻ സീമ, കെ കെ രാഗേഷ് എന്നിവരാണ് നയം വിശദീകരിച്ചത്. എന്നാൽ, രാഷ്ട്രീയ അടവ് നയമാക്കാതെ പാർട്ടിയുടെ വളർച്ചയ്ക്കുള്ള പ്രചരണത്തിൽ ഉൾപ്പെടുത്താനാണ് തീരുമാനമെന്നാണ് റിപ്പോർട്ട്.
ആം ആദ്മി പാർട്ടി അധ്യക്ഷൻ അരവിന്ദ് കെജ്രിവാൾ ഡൽഹി മാതൃക എന്ന ആശയമാണ് മറ്റ് സംസ്ഥാനങ്ങളിൽ പ്രചരിപ്പിക്കുന്നു. സിപിഎം കേരള മാതൃക ഉയര്ത്തിക്കാണിക്കാൻ മടിക്കരുതെന്നാണ് നിർദ്ദേശം ഉയർത്തിയിരിക്കുന്നത്. രാജ്യത്ത് കോൺഗ്രസ് ദുർബലമായെങ്കിലും ബിജെപിക്കെതിരായ പോരാട്ടത്തിൽ കോൺഗ്രസിനെ ഒഴിവാക്കാൻ കഴിയില്ലെന്ന് ബംഗാളിലെ നേതാക്കൾ പറഞ്ഞതായി മനോരമ ന്യൂസ് റിപ്പോർട്ടിൽ പറയുന്നു. എന്നാൽ, ബംഗാളിനൊപ്പമായിരുന്ന പല സംസ്ഥാനഘടകങ്ങളും ഇത്തവണ ആ സഖ്യം പാളി എന്ന വാദം ഉന്നയിച്ച് രംഗത്തുവന്നിരുന്നു. മറ്റു പ്രാദേശിക പാർട്ടികളുമായി ചർച്ച വേണ്ട വിഷയമായതിനാലാണ് കേരള മാതൃക രാഷട്രീയ അടവുനയത്തിലേക്ക് മാറ്റാത്തത് എന്നാണ് റിപ്പോർട്ട്.
അതേസമയം, കോൺഗ്രസിനോട് പൂർണമായി മുഖംതിരിച്ചു നിൽക്കേണ്ടതില്ലെന്നാണ് പാർട്ടി കോൺഗ്രസിൽ ഭൂരിഭാഗം പ്രതിനിധികളുടേയും അഭിപ്രായം. ചർച്ചയിൽ കേരളത്തിൽ നിന്നും പി രാജിവ്, ടിഎൻ സീമ, കെ കെ രാഗേഷ് എന്നിവരാണ് നയം വിശദീകരിച്ചത്. എന്നാൽ, രാഷ്ട്രീയ അടവ് നയമാക്കാതെ പാർട്ടിയുടെ വളർച്ചയ്ക്കുള്ള പ്രചരണത്തിൽ ഉൾപ്പെടുത്താനാണ് തീരുമാനമെന്നാണ് റിപ്പോർട്ട്. ആം ആദ്മി പാർട്ടി അധ്യക്ഷൻ അരവിന്ദ് കെജ്രിവാൾ ഡൽഹി മാതൃക എന്ന ആശയമാണ് മറ്റ് സംസ്ഥാനങ്ങളിൽ പ്രചരിപ്പിക്കുന്നു. സിപിഎം കേരള മാതൃക ഉയര്ത്തിക്കാണിക്കാൻ മടിക്കരുതെന്നാണ് നിർദ്ദേശം ഉയർത്തിയിരിക്കുന്നത്.