പിണറായി എൻ്റെ വഴികാട്ടി; മലയാളത്തിൽ പ്രസംഗിച്ച് തമിഴ്നാട് മുഖ്യ മന്ത്രി എം കെ സ്റ്റാലിൻ!
പിണറായി എൻ്റെ വഴികാട്ടി; മലയാളത്തിൽ പ്രസംഗിച്ച് തമിഴ്നാട് മുഖ്യ മന്ത്രി എം കെ സ്റ്റാലിൻ! മതേതരത്വത്തിൻ്റെ മുഖമായ പിണറായിയാണ് ഭരണത്തിൽ തൻ്റെ വഴികാട്ടി. ഒരു കൈയിൽ പോരാട്ട വീര്യവും മറുകൈയിൽ ഭരണപാടവുമുള്ള നേതാവാണ് അദ്ദേഹമെന്ന് സിപിഎം പാർട്ടി കോൺഗ്രസിൻ്റെ ഭാഗമായി 'കേന്ദ്ര സംസ്ഥാന ബന്ധം' എന്ന വിഷയത്തിൽ നടത്തിയ ദേശീയ സെമിനാറിൽ പങ്കെടുത്ത് സംസാരിക്കവെ സ്റ്റാലിൻ വ്യക്തമാക്കി. ഇന്ത്യയിലെ വേറിട്ട മുഖ്യമന്ത്രിയാണ് പിണറായി വിജയനെന്ന് തമിഴ്നാട് മുഖ്യമന്ത്രി എം കെ സ്റ്റാലിൻ. ഈ സമ്മേളനത്തിൽ പങ്കെടുക്കുന്നത് കടമയായിട്ടാണ് താൻ കാണുന്നത്. മുഖ്യമന്ത്രിയോ നേതാവോ ആയിട്ടല്ല ഈ ചടങ്ങിൽ പങ്കെടുക്കുന്നത്. നിങ്ങളിൽ ഒരാളായിട്ടാണ് ഞാൻ ഈ ചടങ്ങിൽ പങ്കെടുക്കുന്നത്.
ചരിത്രപരമായി, സംഘകാലം മുതൽ കേരളവും തമിഴ്നാടുമായുള്ള ബന്ധവും ഈ പരിപാടിയിൽ പങ്കെടുക്കാൻ കാരണമാണ്. കമ്യൂണിസ്റ്റുകാരുടെ പേര് ഡിഎംകെ പ്രവർത്തനം നൽകിയിട്ടുണ്ട്. എൻ്റെ പേര് സ്റ്റാലിൻ എന്നത് ഉദാഹരണമാണ്" - എന്നും സ്റ്റാലിൻ പറഞ്ഞു. 'സെമിനാറിൽ പങ്കെടുക്കണമെന്ന് മുഖ്യമന്ത്രി പിണറായി പറഞ്ഞപ്പോൾ തന്നെ താൻ സമ്മതമറിയിച്ചു. അദ്ദേഹത്തിൽ നിന്നും ലഭിക്കുന്ന സ്നേഹം പരിപാടിയിൽ പങ്കെടുക്കാനുള്ള മറ്റൊരു കാരണമായി. രാജ്യത്തെ സംരക്ഷിക്കാൻ സംസ്ഥാനങ്ങളുടെ താൽപര്യങ്ങൾ സംരക്ഷിക്കപ്പെടണം. ഭരണഘടനാ ശിൽപ്പികൾ ഏകത്വത്തിന് വേണ്ടിയല്ല നിലകൊണ്ടത്. രാജ്യത്തിൻ്റെ നാനാത്വം അട്ടിമറിച്ച് ഏകത്വം മാത്രം നടപ്പാക്കാൻ ചിലർ ശ്രമം നടത്തുകയാണ്. ഒന്നുമാത്രം മതിയെന്ന രീതി ഒരു പാർട്ടിയിലും മതത്തിലും എത്തും.
ശക്തമായ ഫെഡറൽ ഇന്ത്യ രൂപപ്പെടുത്താൻ ഈ ഘട്ടത്തിൽ ശ്രമിക്കുകയാണ് വേണ്ടത്. കൂടുതൽ അധികാരം ലഭിക്കാൻ സംസ്ഥാനങ്ങൾ ഒന്നിച്ച് നിൽക്കണം. ഒത്തൊരുമയാണ് ബലം എന്ന് എല്ലാ രാഷ്ട്രീയ പാർടികളും ഓർമിക്കണമെന്നും കണ്ണൂരിൽ നടക്കുന്ന പാർട്ടി കോൺഗ്രസിൽ പങ്കെടുത്ത് തമിഴ്നാട് മുഖ്യമന്ത്രി പറഞ്ഞു. ബ്രിട്ടീഷുകാർ പോലും ചെയ്യാത്ത കാര്യങ്ങൾ അടിച്ചേൽപ്പിക്കാൻ കേന്ദ്ര സർക്കാർ ശ്രമിക്കുകയാണ് സ്റ്റാലിൻ പറഞ്ഞു. ബ്രിട്ടീഷ് നയങ്ങളാണ് ബിജെപി സർക്കാർ തുടരുന്നത്.
കേന്ദ്ര സർക്കാരിൻ്റെ നടപടി ഭരണഘടന വിരുദ്ധവും ജനാധിപത്യവിരുദ്ധവുമാണ്. ജിഎസ്ടിയടക്കം സംസ്ഥാനങ്ങളുടെ താളം തെറ്റിക്കുന്ന നയങ്ങളാണ് കേന്ദ്ര സർക്കാർ നടപ്പാക്കുന്നത്. സംസ്ഥാന സർക്കാരുകളെ നിയന്ത്രിക്കാ കേന്ദ്രം ഗവർണർമാരെ ഉപയോഗിക്കുകയാണ്. സംസ്ഥാനങ്ങളുടെ അവകാശങ്ങളുടെ വിജയത്തിനായി രാഷ്ട്രീയ പാർട്ടികൾ നിലപാട് സ്വീകരിക്കണം. തലയാട്ടുന്ന പാവയായിരുന്നൽ ഒന്നും ലഭിക്കില്ല. കേരളവും തമിഴ്നാടും തമ്മിൽ അടുത്തബന്ധമാണ് ഉള്ളതെന്നും സിപിഎം പാർട്ടി കോൺഗ്രസ് വേദിയിൽ സ്റ്റാലിൻ വ്യക്തമാക്കി.