ఫస్ట్ టైం సారీ చెప్పిన రష్యా అధ్యక్షుడు పుతిన్!
ఇక ప్రపంచవ్యాప్తంగా వున్న పవర్ ఫుల్ దేశాల అధ్యక్షులలో మొదటగా వినిపించే పేరు రష్యా అధ్యక్షుడు వ్లాదిమిర్ పుతిన్. ఇక ఇంత పవర్ ఫుల్ అధ్యక్షుడు అయిన రష్యా అధ్యక్షుడు వ్లాదిమిర్ పుతిన్ మొట్ట మొదటిసారిగా 'నన్ను క్షమించండి' అంటూ క్షమాపణలు కోరారు. ఈ విషయాన్ని ఇజ్రాయిల్ పీఎంవో కార్యాలయం ఓ ప్రకటనలో పేర్కొనడం జరిగింది.ఇక ఈ మధ్యనే రష్యా విదేశాంగ మంత్రి అయిన లవ్రోవ్ ఓ ఇంటర్వ్యూలో ఉక్రెయిన్ అధ్యక్షుడు జెలెన్ స్కీపై కొన్ని కామెంట్లని చేస్తూ.. 'నాజీ నియంత అడాల్ఫ్ హిట్లర్లో యూదుల వారసత్వ లక్షణాలు అనేవి ఉన్నాయి. ఇక ఉక్రెయిన్ అధ్యక్షుడు జెలెన్స్కీ స్వయంగా ఓ యూదుడు. అయినప్పటికీ ఆ దేశంలో నాజీయిజం ఉనికి కూడా ఉండొచ్చు" అని వివాదాస్పద కామెంట్లని చేశారు. ఇక ఆ కామెంట్స్ అయితే ప్రపంచవ్యాప్తంగా చాలా పెద్ద దుమారం రేపాయి.ఇక లవ్రోవ్ చేసిన కామెంట్ల పై చాలా దేశాల అధినేతలు చాలా తీవ్రంగా మండిపడుతూ, ఆ కామెంట్లని ఖండించారు. ముఖ్యంగా ఇజ్రాయెల్ లావ్రోవ్ కామెంట్లని క్షమించరానివంటూ, వెంటనే రష్యా దేశం క్షమాపణలు చెప్పాలని డిమాండ్ కూడా చేసింది.
ఆ తరువాత ఇజ్రాయెల్లోని రష్యా రాయబారిని పిలిపించుకుని, లవ్రోవ్ కామెంట్ల పై వివరణ ఇవ్వాలని కోరింది. దాంతో పుతిన్.. ఇజ్రాయిల్ ప్రధాన మంత్రి నఫ్తాలీ బెన్నెట్కు ఫోన్ చేసి 'ఐయామ్ సారీ' అని చెప్పాడని ఇజ్రాయిల్ పీఎంవో కార్యాలయం తెలిపింది.అలాగే మరోపక్క ఉక్రెయిన్ దేశాన్ని ఆక్రమించుకోవటం కోసం పుతిన్ సైన్యాలు ఉక్రెయిన్ దేశాన్ని ఎంతో అల్లకల్లోలం చేస్తున్నాయి. యుద్ధం ఆపాలని ప్రపంచదేశాలు వేడుకుంటున్నా కానీ అసలు అవేమీ పట్టించుకోకుండా పుతిన్ ఉక్రెయిన్పై దారుణమైన దాడులు చేయిస్తున్నాడు. ఇక ఈ క్రమంలో రష్యా సైన్యాలు ఉక్రెయిన్ మహిళలపై యుద్ధం పేరుతో లైంగిక దాడులు ఇంకా అలాగే పలు అత్యాచారాలకు కూడా తెగబడుతున్నారు.