KK మృతిపై అనుమానాలు.. ముఖం, తలపై గాయాలు!
ప్రముఖ పాన్ ఇండియా ఎనర్జిటిక్ సింగర్ క్రిష్ణకుమార్ కున్నాత్(Singer KK).. ఆకస్మిక మృతి చెందారు. ఒక లైవ్ ఈవెంట్లో పాల్గొన్న ఆయన అస్వస్థతకు గురైనట్లు సమాచారం.కోల్కతాలోని నజురుల్ మంచా ఆడిటోరియంలో వెళ్లిన ఆ తర్వాత హోటల్ చేరుకున్న తరువాత ఆయన కుప్పకూలిపోయారు. వెంటనే సహచరులు దగ్గరికొచ్చి కేకేను హాస్పిటల్కి తరలిస్తుండగానే అప్పుడే ఆయన ప్రాణాలొదిలేశారు. కేకే కన్నుమూత అటు బెంగాల్లోనే కాకుండా ప్లేబ్యాక్ సింగింగ్ కమ్యూనిటీ మొత్తాన్ని కూడా కదిలించింది. రాత్రి 10.30 గంటల సమయంలో కలకత్తా మెడికల్ రీసెర్చ్ ఇన్స్టిట్యూట్ (CMRI)కి ఆయన్ని తరలించగా.. అక్కడ వైద్యులు ఆయన మృతి చెందినట్లు ధ్రువీకరించారు. అయితే, కేకే గారు గుండెపోటుతో మృతి చెందినట్లు వార్తలు వస్తుండగా.. పూర్తి కారణాలు ఇంకా తెలియరాలేదు. మరికొద్దిసేపట్లో ఆయన పార్థీవ దేహానికి ఎస్ఎస్కేఎం ఆసుపత్రిలో వైద్యులు పోస్టుమార్టం కూడా నిర్వహించనున్నారు. పోస్టుమార్టం నివేదికలో మృతి గల కారణాలు కూడా స్పష్టంగా తెలియనున్నాయి. అయితే, కేకే మృతికి సంబంధించి మరో షాకింగ్ విషయం ఒకటి వెలుగులోకి వచ్చింది. ఇది కున్నాత్ సన్నిహితులు చెబుతున్నారు.
కేకే ఆసుపత్రికి చేరిన సమయంలో తల ఇంకా అలాగే ముఖంపై గాయం గుర్తులున్నట్లు సమాచారం. గాయం ఎలా అయ్యిందనే ఇంకా తెలియాల్సి ఉంది. గాయం కారణంగానే ఆయన మృతి చెందారా? లేదంటే గుండెపోటుతో మృతి చెందారా? అనే విషయం ఇంకా పోస్టుమార్టం నివేదికలో తేలిపోనున్నది. అటు. అలాగే వేదిక మీద మితిమీరిన ఫాగ్ కూడా కేకే మృతికి కారణమా అనే కోణంలో కూడా దర్యాప్తు జరుగుతోంది.ఇక గాయకుడు కెకె మరణానికి గల కారణాలను తెలుసుకోవడానికి కోల్కతాలోని ఎస్ఎస్కెఎం ఆసుపత్రిలో బుధవారం నాడు పోస్ట్మార్టం నిర్వహించనున్నారు. అదే సమయంలో గ్రాండ్ హోటల్లోని సీసీటీవీ ఫుటేజీ (CCTV)ని కూడా పరిశీలించిన పోలీసులు హోటల్ సిబ్బందిని ఇంకా ఈవెంట్ నిర్వాహకులను విచారించనున్నారు. కోల్కతా జాయింట్ కమీషనర్ ఆఫ్ పోలీస్ (క్రైమ్) మురళీధర్ శర్మ గాయకుడు కెకె బస చేసిన ఒబెరాయ్ గ్రాండ్కు రావడం కూడా కనిపించింది.