జగన్ పై రెచ్చిపోయిన లోకేష్!
ఇక బూమ్ బూమ్ రెడ్డి బుస్సు మాటలు మోసాలకు అడ్డూ అదుపు లేదని టీడీపీ జాతీయ ప్రధాన కార్యదర్శి అయిన నారా లోకేశ్ ధ్వజమెత్తారు.అలాగే ఎన్నికల ముందు మద్యపాన నిషేధం అని ఇంకా ఎన్నికల తరువాత రాష్ట్రాన్ని సంపూర్ణ మద్యపానప్రదేశ్గా మార్చారని విమర్శించారు. అలాగే మద్యపాన నిషేధం అనే ఊసు కూడా ఎత్తేది లేదంటూ రాసిచ్చి మరీ మందు బాబుల్ని తాకట్టు పెట్టి మొత్తం రూ.8300 కోట్ల అప్పు తెచ్చారని మండిపడ్డారు. జగన్ బ్రాండ్లతో ఎన్ని వేల మంది మహిళల మెడలో తాళ్లు తెగబోతున్నాయో ఆలోచిస్తేనే చాలా భయం వేస్తుందని ఆయన ఆవేదన వ్యక్తం చేశారు.అలాగే దశలవారీగా మద్యనిషేధం అమలు చేస్తామని గొప్పలు పోయిన రాష్ట్ర ప్రభుత్వం.. ఇక ఇప్పుడు మద్యం రాబడినే హామీగా పెట్టి వేల కోట్ల అప్పులు కూడా చేస్తోంది. తాజాగా ఒకేసారిమొత్తం రూ.8300 కోట్ల రుణం తెచ్చి.. మద్యనిషేధమనే మాటకు నిలువునా కూడా తూట్లు పొడిచింది. అలాగే భవిష్యత్తులో మద్యనిషేధం విధించాలంటే ముందు ఈ అప్పులన్నీ కూడా తీర్చాలి. ఆర్థిక భారంతో అతలాకుతలమవుతున్న ప్రభుత్వం ఈ అప్పులను ఇక ఎప్పటికి తీరుస్తుంది.. మద్యనిషేధం ఎప్పటికి అమలు చేస్తుందన్నది ఇప్పుడు అంతుచిక్కని ప్రశ్నే అని ఆయన ఎద్దేవా చేశారు.
ఇక ఇప్పటికే అప్పులకుప్పలా మారిన రాష్ట్రంపై మరో గుదిబండ వేస్తూ రాష్ట్ర ప్రభుత్వం మద్యం ఆదాయాన్ని చూపి తాజాగా మొత్తం రూ.8300 కోట్ల రుణాన్ని సమీకరించింది. ప్రభుత్వ ఆదాయాన్ని ఏపీ బెవరేజెస్ కార్పొరేషన్ కి మళ్లించి ఆ ఆదాయాన్ని ఎస్క్రో చేసి రుణాలు తీసుకోవడం రాజ్యాంగ విరుద్ధమన్న అంశం ఇప్పుడు హైకోర్టు పరిధిలో ఉండగానే ఈ అప్పు తేవడంపై నిపుణులు చాలా విస్మయం వ్యక్తం చేస్తున్నారు. ఇక కేంద్రం నిర్దేశించిన రుణ పరిమితితో సంబంధం లేకుండా బయట నుంచి కార్పొరేషన్ పేరుతో అప్పు తీసుకోవడంపైన కూడా అభ్యంతరాలు వినిపిస్తున్నాయి. అని నారా లోకేశ్ అన్నారు.అలాగే ఏపీ బెవరేజెస్ కార్పొరేషన్ మద్యంపై ప్రత్యేక మార్జిన్ విధించి వసూలు చేసుకునేలా ప్రభుత్వం చట్టసవరణ చేసిందని ఆయన తెలిపారు. ఇలా వసూలు చేసిన మొత్తం కూడా ఆ కార్పొరేషన్ ఆదాయమేననీ చట్టంలో పేర్కొందన్నారు.