మోదీ కోసం తెలంగాణ స్పెషల్ విందు.. మెనూలో ఏమున్నాయంటే?
జులై 2,3 తేదీల్లో జరగబోయే బీజేపీ స్పెషల్ మీట్ లో స్పెషల్ మెనును ఫైనల్ చేశారు. మధ్యాహ్నం భోజనంలో తెలంగాణ వంటకాలు ఉండేలా చూస్తున్నారు. పచ్చిపులుసు, పంటికూర పప్పు, గంగవాయిలి- మామిడి పప్పు, తెల్లజొన్నరొట్టెలు, బూందీలడ్డూను ఆల్ మోస్ట్ మెనులో చేర్చారు. సాయంత్రం స్నాక్స్ గా సర్వపిండి, సకినాలు, గారెలు వడ్డించనున్నారు. ఇప్పటికే ఈ వంటల్లో కరీంనగర్ కు చెందిన యాదమ్మ ఆయా పరిసరాల్లో ప్రత్యేక గుర్తింపు పొందారు.ఆమెతో ప్రత్యేకంగా చేయించనున్నారు. జాతీయ కార్యవర్గ సమావేశాల్లో స్పెషల్ మెనునూ సిద్ధం చేసేందుకు కరీంనగర్ నుంచి యాదమ్మను హైదరాబాద్ కు రప్పించారు.
యాదమ్మ తో పాటు నోవాటెల్ చెఫ్లతో బండి సంజయ్ ఇప్పటికే భేటీ అయ్యారు. వంటకాలు అదరహో అనేలా ఉండాలని చెఫ్ లకు సూచించారు..ప్రతిదీ దగ్గరుండి ఆయనే స్వయంగా చూస్తున్నారు..ఈ విషయం పై బీజేపీ జాతీయ కార్యవర్గ సమావేశానికి ఫుడ్ కమిటీ నేతృత్వం వహిస్తున్న హన్మకొండ మాజీ ఎంపీ చాడ సురేష్ రెడ్డి మాట్లాడుతూ.. 'జూన్ 29న నోవాటెల్ లో షెఫ్లతో కలిసి టెస్ట్ రన్ నిర్వహించాలని యాదమ్మను ఆహ్వానించాం. “తెలంగాణలో అందించే అత్యుత్తమ ఆహారాన్ని ప్రతినిధులకు అందజేస్తామని మా పార్టీ అధ్యక్షుడు బండి సంజయ్ గట్టిగా చెప్పారు.. అందుకే ఇన్ని ఏర్పాట్లూ చేస్తున్నామని ఆయన అన్నారు.. మొత్తానికి మోదీ రాక కొందరికి సంతోషాన్ని కలిగించినా..మరి కొందరికి చిచ్చు పెడుతుందని తెలుస్తుంది..రెండు రోజులు ఎలా ఉంటుందో చూడాలి..