സൂറത്ത് വിമാനത്താവളത്തില് വെച്ച് മദ്യപിക്കുന്ന ഏക്നാഥ് ഷിന്ഡെ; സത്യാവസ്ഥ എന്ത്?
സൂറത്ത് വിമാനത്താവളത്തിൽ വെച്ച് മദ്യപിക്കുന്ന ഏക്നാഥ് ഷിൻഡെ; സത്യാവസ്ഥ എന്ത്? ഷിൻഡെ മദ്യപിച്ചിരുന്നതായി അനുമാനിച്ചാണ് വീഡിയോ പങ്കുവെച്ചിരിക്കുന്നത്. മഹാരാഷ്ട്രയിലെ രാഷ്ട്രീയ പ്രതിസന്ധികൾക്കിടയിൽ വിമത ശിവസേന നേതാവ് ഏക്നാഥ് ഷിൻഡേയുടെ വീഡിയോ സോഷ്യൽ മീഡിയയിൽ വൈറലാകുന്നു. വൈറലായ വീഡിയോയിൽ മാധ്യമപ്രവർത്തകരാൽ ചുറ്റപ്പെട്ട ഷിൻഡെയെ ഉറക്കം തൂങ്ങിയ നിലയിലാണ് കാണപ്പെട്ടത്. മാത്രമല്ല, മാധ്യമപ്രവർത്തകരുടെ ചോദ്യങ്ങൾക്ക് ഷിൻഡെ മറുപടി പറയാൻ ബുദ്ധിമുട്ടുകയും ചെയ്യുന്നുണ്ട്. 'വിമത ശിവസേന നേതാവ് ഷിൻഡെയ്ക്ക് അധികാരത്തിന്റെ മത്തുപിടിച്ചതാണോ അതോ മദ്യപിച്ചതാണോ?', 30 സെക്കന്റുള്ള വീഡിയോ പങ്കുവെച്ചുകൊണ്ട് അഭിഭാഷകനും ആക്ടിവിസ്റ്റുമായ പ്രശാന്ത് ഭൂഷൺ ടീറ്റ് ചെയ്തു. വൈറലായ വീഡിയോയിൽ 'MH04 മീഡിയ' ലോഗോ ദൃശ്യമായതിനാൽ ചാനലിന്റെ ഫേസ്ബുക്ക് പേജ് സന്ദർശിച്ച് ശരിയായത് കണ്ടെത്താൻ ശ്രമിച്ചു.
എന്നാൽ, യഥാർഥ വീഡിയോ ആ പേജിൽ ലഭ്യമല്ല. തുടർന്ന്, ചാനലിന്റെ എഡിറ്ററായ സന്ദീപ് ലാബ്ഡെയെ ബന്ധപ്പെടാൻ ശ്രമിച്ചു. പക്ഷേ, അദ്ദേഹം എഎഫ്ഡബ്ലുഎയോട് പ്രതികരിച്ചില്ല. വൈറലായ വീഡിയോയിൽ മുഴുവൻ ഭാഗവും ഇല്ലാത്തതിനാൽ ഈ അവകാശവാദങ്ങൾ തെറ്റിദ്ധരിപ്പിക്കുന്നതാണെന്ന് എഎഫ്ഡബ്ലുഎ കണ്ടെത്തി. സൂറത്ത് വിമാനത്താവളത്തിൽ മദ്യപിച്ചെത്തി മാധ്യമപ്രവർത്തകരോട് സംസാരിക്കുന്ന ഏക്നാഥ് ഷിൻഡേയുടെ 30 മിനിറ്റ് മാത്രം ദൈർഘ്യമുള്ള വീഡിയോ തികച്ചും അടിസ്ഥാനരഹിതമാണ്. വീഡിയോ തെറ്റിദ്ധരിപ്പിക്കുന്നതിനായി ബാക്കിയുള്ള വീഡിയോ ശകലം കട്ട് ചെയ്തുണ്ടാക്കിയതാണ്' വീഡിയോ ക്യാപ്ഷൻ വ്യക്തമാക്കുന്നു. 'ഇതാണ് യഥാർഥവും മുഴുവനുമായ വീഡിയോ. ഉചിതമായ കീവേർഡുകളുള്ള മുഴുനീള വീഡിയോയ്ക്കായി തെരഞ്ഞു. ആദ്യത്തെ വീഡിയോയിൽ കണ്ട അതേ സ്ഥലത്തു നിന്ന് ഏക്നാഥ് ഷിൻഡെ മാധ്യമങ്ങളോട് സംസാരിക്കുന്ന വീഡിയോയുടെ ഒരു മിനിറ്റ് ദൈർഘ്യമുള്ള മുഴുവൻ ഭാഗവും ഒരു ഫേസ്ബുക്ക് ഉപയോക്താവ് പങ്കുവെച്ചിരിക്കുന്നത് കണ്ടെത്തി.
വീഡിയോയിൽ, 22 സെക്കന്റിനുള്ളിൽ ഷിൻഡെ സംസാരിച്ചു തുടങ്ങുന്നു. ഈ സമയത്താണ് വൈറലായ വീഡിയോ അവസാനിക്കുന്നത്. ഇത് ഷിൻഡെ മദ്യലഹരിയിലാണെന്നും സംസാരിക്കാൻ കഴിയാതെ വന്നതായും തോന്നിപ്പിക്കുന്നു. കൂടാതെ ഏക്നാഥ് ഷിൻഡെ ഗുവാഹത്തിയിലേക്ക് പുറപ്പെടാൻ സൂറത്ത് എയർപോർട്ടിൽ എത്തിയതിന്റെ മറ്റ് വീഡിയോകളും പരിശോധിച്ചു. ഒരു എൻഡിടിവി വീഡിയോ റിപ്പോർട്ട് കാണാനിടയായി. ആ വീഡിയോയിൽ ഷിൻഡെ സാധാരണ സംസാരിക്കുന്നതായി കാണപ്പെട്ടു. ഒപ്പം മുഴുനീള വീഡിയോ ട്വിറ്ററിലൂടെ മറ്റൊരു ഉപയോക്താവ് പങ്കുവെച്ചു.
വിമാനത്താവളത്തിൽ വെച്ചുള്ള ഷിൻഡെയുടെ അശ്രദ്ധ വെളിവാക്കുന്ന തരത്തിലുള്ള വീഡിയോ വ്യാജമാണെന്ന് പങ്കുവെച്ചു. വിമത എംഎൽഎമാർക്കൊപ്പം സൂറത്ത് ഇന്റർനാഷണൽ എയർപോർട്ടിൽ എത്തിയ ഷിൻഡെ ബസിൽ നിന്ന് ഇറങ്ങുന്നതും എഎൻഐ പുറത്തുവിട്ട വീഡിയോയിൽ കാണാം. ആ വീഡിയോയിലും ഷിൻഡെ മദ്യപിച്ചിട്ടുണ്ടെന്ന അവകാശവാദത്തെ പിന്തുണയ്ക്കുന്ന അസാധാരണമായ ഒന്നും ശ്രദ്ധയിൽപ്പെട്ടിട്ടില്ല.