సౌత్ ఇండియాలో బీజేపీ కల "కల్లలేనా" ?
ఇక ఎంతోకాలంగా తీవ్రంగా శ్రమిస్తున్న బీజేపీ తరం కాని ఒకే ఒక్క అంశం దక్షిణ భారతదేశంలో అధికారంలోకి రావడం. అందులో ఉన్న రాష్ట్రాలలో ఆంధ్రప్రదేశ్ , తెలంగాణ , తమిళనాడు , కేరళ మరియు కర్ణాటక లు ఉన్నాయి. ఈ రాష్ట్రాలలో ప్రస్తుతం అధికారంలో ఉన్న నాయకులతో బీజేపీకి సత్సంభందాలు ఉన్నది.. ఆంధ్రప్రదేశ్ లో సీఎం వైఎస్ జగన్ తో బాగానే ఉంది. కానీ పార్లమెంట్ లో వైసీపీ ఎంపీలు బీజేపీకి అనుకూలంగానే వ్యవహరిస్తూ వస్తున్నారు. సో... దీనిని బట్టి ఏపీలో బీజేపీ అభివృద్ధి చెందే అవకాశాలు చాలా తక్కువ. ఇక వచ్చే ఎన్నికల్లో ఏ పార్టీ అధికారంలోకి వస్తుంది అన్న విషయం బట్టి బీజేపీ స్టెప్ ఉంటుంది.
ఇక తమిళనాడు లో డీఎంకే పార్టీ అధికారంలో ఉన్న సంగతి తెలిసిందే, సీఎం స్టాలిన్ సైతం అద్భుతమైన పాలనను అందిస్తూ మంచి పేరును తెచ్చుకున్నాడు. ఇతను ఉన్నంతవరకు బీజేపీకి ఇక్కడ అవకాశాలు తక్కువే. మరో దక్షిణాది రాష్ట్రము కేరళ లో కూడా సిపిఎం పార్టీ అధికారంలో ఉంది. సీఎం గా ఉన్న పినరయి విజయన్ సుసంపన్నమైన పాలనను అందిస్తున్నాడు. తెలంగాణలోనూ వచ్చే ఎన్నికల్లో ఏమైనా కొన్ని సీట్లు తెచ్చుకునే అవకాశం ఉంది తప్ప అధికారంలోకి రావడం అనే విషయం కలలో మాటే. ఒక్క కర్ణాటకలో మాత్రం బలమైన పార్టీ లేకపోవడంతో బీజేపీ ఆటలు సాగుతున్నాయి. ఇలా పోల్చుకుంటే కర్ణాటకలో మాత్రమే బీజేపీ అధికారాన్ని దక్కించుకుంటుంది మిగిలిన నాలుగు రాష్ట్రాలలో ఎదురుదెబ్బలు తప్పవు.